Netherlands national team manager Louis van Gaal chuan prostate cancer avangin enkawlna a lak mek thu a sawi.
Pathianni zan khan Dutch coach \ha hian a natna chungchang hi a puangzar a. A natna hi mi tam zawk lakah thup rihin a player-te ngei pawhin an hre lo tih a sawi.
Kum 70 mi ni tawh Van Gaal chuan tun international break hnuhnung bera team a enkawl \um pawhin treatment a la chungin a player-te lakah engmah a sawi duh loh thu a sawifiah a. “Ka hrilh duh loh chhan chu mihring an ni a, an rilruah thil tam tak a awm dawn a, hei vang hian an inkhel pawh a nghawng thei ang tih ka hlauh vang a ni.” tiin a sawi.
Van Gaal hian Netherlands head coach hna hi a \um thum nan a thawk mek a, 2014 World Cup khan pathumna nihpuiin Qatar-ah kumtawpah a enkawl leh dawn.
A natna chungchang sawi belhin, “Nationalteam a kal khawm a ngaih apiangin zanah damdawi inah tuma hriat loha ka kal a ngai \hin. Kan inenkawlna hmunah duhsak ka hlawh hle. Ka hrisel viau nia ka inngaih laiin natna ka lo nei reng a ni.” a ti a. Manchester United coach hlui hian radiation vawi 25 a la tawh.
Dutch coach hlawhtling hian Barcelona, Bayern Munich, AZ Alkmaar leh Ajax Amsterdam te a enkawl tawh bawk a, heng club-te hi league title a lakpui vek a. Kum 1995 khan team naupang tak hrual chungin Ajax hi ropui takin UEFA Champions League a chawipui tawh.
Manchester United kum hnih a enkawl chhungin kum 2016 khan FA Cup a chawipui hman bawk.