France forward Kylian Mbappe chuan khawvela forward ngaihven hlawh ber zing ami a nihna chhan Paris Saint-Germain tan a pholang a. Lorient lakah goal hnih a khung bakah an goal dang zawng ama ke a\anga chhuak vek niin 5-1 in an hneh.
Pathianni zana Ligue 1 inkhelah Parc des Princes-ah hian PSG forward lar rual in inkhel vawikhatah goal an khung vek a. A khaipa ber erawh Real Madrid in lakluh an tum mek Mbappe a ni.
PSG tlarhma a pathumte hian inman em em in football hlauhawm an khel a. An pathum inkawp a\anga ball \ha chhuak chu Neymar-a’n minute 12-naah goal-ah a khung nghal.
Minute 28-naah Mbappe-a’n goal khung belhin second half-ah pawh an goal thumna a khung a. Neymar leh Messi te khung tur siamsakin Mbappe hian \um thum vel lai goal a khung belh teuh hle.
Thla hmasa a AS Monaco laka an mualpho \uma an inkhel leh Lorient laka PSG inkhel a dang hle a. Point 12 in pahnihna a awm Olympique Marseille lakah an sang mek.
Marseille hi Saint Etienne lakah second half-ah 4-2 in an ‘comeback’ hram a. Denis Bouanga goal an chhuah hma hle hnuah Dimitri Payet leh Bamba Dieng ten penalty an khung a. Timothée Kolodziejczak own goal nei bawkin Amine Harit chuan an goal hnuhnung ber a khung bawk.