- Lallunghnema, Charity Lodge
Chawlhkar kal taa ka column-ah khan Consumer Sam 1–na ka rawn tlar thla duah mai a. Engtin tak lo ngai ang che u maw le? Hun remchangah ka rawn ziah chhunzawm leh ang. Kha column-ah khan tlangval pakhat message ka hmuh ka rawn ti chhuak bawk a.Chhiar a hlawh zek a. Thalai tam takin consumer right an hriat phah leh zual dawn niin ka hria. Thalaite tui zawng leh ngaihven zawng ziah hram hram ka tum thin. Mahse, a har a ni! Khatla tlangval anga mimal dikna leh chanvo sual chhuak ngam hi Mizo thalaite zing atanga pen chhuak ngam eng zat tak awm ang maw le? ka ti a ni. Consumer Right hi a te lova,a nep hek lo. Mi zawng zawng huap a ni. Right pawimawh tak a nih zep theih a ni lova, palzut chu a ni hek lo. Mipui vantlang tana Dan sianm a nihna angin a nghawng pawh a lian reng a ni. Chuvangin mitinin he Dan hi I ngaipawimawh ang u. Thuneitute hlei hlein an ngaipawimawh tur a ni. Sawrkara thuneituten Consumer Protection hi an ngaih pawimawh loh chuan mipui an zalen thei ngai lovang. Sawrkar hi mipui ta a ni a, mipui siam a ni a, mipui tana din a ni tih hi kan hriat chian leh zual a ngai Ani Consumer Courtte hi mipui hmakhuangaia din ania. Heng Courta thawktu President, Memberte leh thawktu dangte hi mipui thatna tura thawktu an ni. leih neih a rem chang lova, corrupt a inhmeh hek lo.Hetiang tak avang hian alawm consumerte zualkona Consumer Disputes Redressal Commission-te chu Social Court tih a nih hial tak ni!
Keini Consumer Activist-te pawh hian tanpui ngaite kan buaipui ve hian consumer fee kan la ngai lova,phone hman man tak ngial pawh kan la ngai lo.Insawi theihna pawh ni lovin a thlawnin kan pui a,mahni inseng sovin kan luang liam a ni ber!Hetia kan tih avang hian kan retheih phah lova,chaw nghei meuhvin kan hawi hai ngai lem lo chu a nih hi!Hetiang thu sepsel ka sawi avang hian thil tha ti ta luaah ka inngai chuang lem lo,ka tih turah ka ngai ve mai a ni.Ti chhia erawh ka inti lem lo,thil tha lo ti pawh ka inti chuang lo. Ka thinlungah’ chi nung a intuh tlat a,ka bansan thei tawh lo a nih hi! Zep nak emaw, Lehkhabu tangkai tak tur ka ziak ta fo mai. Lehkhabu thenkhat chhiar hlawh ang ka pha ngai lo nain ka lehkhabu lo tangkaipuitu,lo chhawr tangkaitu an pung zel a.Ka lawm hle a ni. Ka lehkhabu chhuakte hi miin an tangkaipui dawn phawt chuan Dakah a thlawn pawhin ka thawn mai zel a, ka lo thawn leh thin ang chu ka ti. Chutiang chung pawha lawmna chang an hriat loh chuan an at man an chawi ngei turah ka ngai.
INTERNET SUMDAWNNA HI:
Internet sumdawnna hi direct selling tih a ni deuh ber a. Direct Selling hi home delivery tur a ni a. Tunlai hian hmun hrang hrang atangin complaint ka dawng thin a. On line shopping tihoten home delivery an lo ti tha duh lo,tih hriat a ni a Bungrua tha lo thleng leh (return)chungchangah pawh ONLINE Shopoer-te hian harsatna an siam fo niin sawi a ni bawk.Online sumdawnna hi a hlawk a,customerte pawhin thil man tlem te tein an lei phah thin.Direct-a thil an lei thin vang a ni.Khar chhawng awm lo thil hralh leh thil hralh a nih avangin bungraw man a hniam phah thin a ni.Home delivery system selling a nih avangin chhuanlam ho te the siamna tur a ni lo.Custonmer in chu a kawng lo kual deuh mahse,delivery boyte chuan home delivery hi an hnial tur a ni lova, lawm takin customerte premise ngeiah an va pe chat kher tur a ni.Hetiang chiah hi LPGas delivery system pawh a chu a ni a.Hniial rual a ni lo.Consumer khawvel hi Consumer-te ta a ni a,consumerte duh danin thil reng reng kalpui tur a ni.Chu chu Welfare State awmdan tur chu a ni.Tunah hian nasa zawka Sawrkarin dimna tel lovin huaisen takin hma la se,chu chu mipui dam tlanna tur a ni.
Kan thupui hi Vai rama thil thleng mah ni se, Mizorama kan seng luh theih chi a nih avangin kan han pho chhuak leh a ni e. Hmanni lawk khan WhatsApp Group pakhat Consumer Advocacy Group-ah kan thian pakhat chuan heti hian a lo post a.
“Consumer Forum orders Rs 1 lakh compensation to railway passenger who reserved berth sold to some other passenger.The order was passed by Conmmisssion Member Rashmi Bansal on a plea by one Inder Nath Jha who alleged that the berth he had been allotted was sod to to someone else,and he discovered the same when he boarded the train'” Saptawng thiante khan in thiante lo lehlinsak zel mai ula, a tha ang e.
Consumer Disputes Redressal Commission, Delhi- ah complaint theh lutin Mr Inder Nath Jha hian Union of India kaltlangin East Central Railway chu Consumer Protection Act 2019 tlawh chhanin a khing ta a ni. Commission President leh Memberte chuan ngun takin an ngaihtuah a, Deficiency a awm ngeiin an hria a. Hetiang hian thutlukna chu a siam ta a ni.Ticket pakhat mi pahnih hnena hralh hi Dan kalh a ni a, inthlahdah leh fimkhur loh vang a ni. Mizoramah pawh hian hetiang thil hi thleng thei a ni a. Mitin kan fimkhur hle a ngai a ni. Reserved ticket mi dang hnena lo hralh hi Dan bawhchhiatna a niin thil sual a tling a. Pawisa telna a nih avangin a nep thei lo a ni. Tichet holderte hi consumer an ni a,r ailway passenger -te hi consumer an ni bawk.
Consumer chuan a chanpual a chang ngei tur a ni.
Mizoramah hian Consumerte hi kan huai sawt ve ta viau mai. Mahse, service Providerte leh Dawrkaite vau zam tawk lekin kan huaisen ang tih a hlauhawm viau a ni. Tun hnaiah IOCL TRANSPORTER an NAWRH avangin oil chi hrang hrang man a san phah hle tih hriat a ni a. Chutiangin thil chi hrang hrang man pawhin nasa takin a san phah a. Consumerten an tuar phah nasa em em a ni. Heng kan tuarnate hi kan ngawihpui mai mai dawn em ni? Bungraw chheprelhte, bungraw man tihsan luih te hi do ngam a ngai a ni. Petrol filling station a petrol etc lak tur a awm loh laiin a bul lawkah black a lei tur a awm thova. Hmun dangah blacks lei tur a awm zel tho hian kan Kristian a dalzia a entir a, blacks marketing a hluar tho zel hian Consumer Activist-te min timangang a nih hi maw le!
Consumer Huang chhiartute ka ngen che u chu, hei hi a ni: Consumerte dikna leh chanvo hriatna tih thupuia ka hman mek YouTube channel ka siam hi min lo sucscribe sak ve turin ka ngen a che u. Ka lehkhabu chhuak thar ber CONSUMER 2020 for awareness hi lo chhiar ve ula, ka lawm hle ang. Thil lei leh hman naa lungawi lo chuan sawi hreh suh u, kan tiho zel ang.