aIZAWL: Zo Reunification Organization (ZO- RO)-in Inrinni khan YHAI, Luangmual, Ai- zawlah Myanmar ram MP leh MLA, an ram buai avanga Mizorama raltlante thla an hual.
ZORO thalai president L. Ramdinliana Renthlei-in ZORO chu khawvel hmun hrang hranga awm Zofate inpumkhata, insuihkhaw- ma, rorelna pakhat hnuaia awm thei tura bei- tute an nih thu sawiin, Zofa khawvel hmun hrang hranga awm te thlavang hauh ngai an awm chuan ke an pen mai thin tih a sawi a. “Zofate kan inpumkha- tna leh kan insuihkh- awmna dal thei tu awm apiang chu sutkian a nih theih nan hma kan la zel thin” a ti.
L. Ramdinliana Re- nthlei chuan, “Burma ram democracy a nih theih nan kan bei mek a, ZORO chuan Mizoram hi India atanga inlakhran tumin kan bei ve mek bawk a. Dem- ocracy kan nih theih nana kan beihnaah leh independent kan sualnaah hian kan hlawh- tlin hma chu kan bei tur a ni a, kan hnam tana Martar (nunna hlan) thahnem tak an awm tawh avangin tlawm thiang kan ni tawh lova, hnungtawlh thiang kan ni tawh lo” a ti.
Chin state chief mi- nister Salai Lian Luai pawhin thu sawiin, “ZORO-in min ngaihsaka, min lo buaipui thin hi kan lawm hle a. Burma atanga lo kal MP leh MLA te hi Burma ram hmun hrang hrang amite kan ni a, kristian vek kan ni lova, sakhaw hrang hr- ang nei kan ni a, mah- se, kan ram danah chuan Kawl leh Zofate hi unau ang maiin kan tangrual a ni” a ti a. “Burma hi democracy a nih theih nan hma kan la mek a, federal union kan din dawn avangin hnam tenau zawkte intluktlanna hi kan rilruah a awm reng a, hei hi kan ngaipawimawh hle a ni” a ti.
ZORO policy leh thiltum zawng zawng te chu an rilrua an lo pawm dan sa vek a nih thu Chin state chief minister Salai Lian Luai chuan a sawi a. “Kan thawhho zel a pawimawh hle” tiin, “Mizoram mipui ten kan harsatna hriaa min lo dawnsawn danah thinlung takin lawmthu kan zavaia aiawhin ka sawi a ni” tiin lawmthu a sawi bawk a ni.