Serie A hmahruaitu AC Milan an chesual nawn a, a zawna match hnih nan goal khung thei lovin Pathianni zanah Torino nen 0-0 in an inhnehtawk.
Milan hian kar hmasa Thawhlehni khan Bologna lakah goal an khung thei lo tawh a, an match hnuhnung pahnih a\ang point hnih chiah an hmu. Hei vang hian pahnihna a awm Inter Milan nen point hnih chauhin an inthlau a, khelh khatin Inter an khel tlem.
Olimpico Grande Torino a inkhelah Milan in goal hlauhawm an siam tam lova, first half-ah Davide Calabria pet goal teuh tih loh goal hlauhawm mumal a awm lo.
Second half-ah Torino inkhel in hma a sawn a, Milan keeper Mike Maignan chuan Mergim Vojvoda goal khung tur \ha takin a dansak a. Italy striker Andrea Belotti pawhin goal a khung teuh.
Milan tlarhma in an khingpuite tlarhnung \hiah dan tur an bangbo hle a. Veteran striker Zlatan Ibrahimovic awm loh an tuar.
Milan coach Stefano Pioli chuan, “Chance tam kan insiam lova, mahse hlauhawm tak taka goal nawr theihna chu kan nei. Kan inpekna leh tumruhna sawisel tur a awm lo, mahse kan inkhel tinung turin kim lo a awm rih.” tiin an inkhel a thlirlet.
Champion inchuhna sawi zuiin, “Hmahruaitu tunhnaiah an chesual leh \hin a, inumna a nung hle. Tupawhin harsatna tawh lai kan nei vek.” a ti.
Champion tum team dang Napoli pawh an chesual a. Fiorentina lakah an mualah 3-2 in an tlawm.
Stadio Diego Armando Maradona-ah La Viola in second half-ah goal hnih an khung an chakpui a. Nicolás González chuang goal hmasa a khung hnuah Jonathan Ikone leh Arthur ten goal an khung a. Napoli tan Dries Mertens leh Victor Osimhen ten goal an khung.