Gallup Pakistan-in ngaihdan an laknaah tun hnaia prime minister a\anga Imran Khan-a paih thlak a ni chu mipui 43%-in an duh lo tih hmuh a ni.
Eptu \angrualten Khan-a an paih thlak chungchanga ngaihdan laknaah hian 57% chu an lawm hle tih hmuh a ni.
Survey-ah hian district 100 chuanga mi 1,000 vel ngaihdan lak a ni.
Khan-a paih thlak lawm lotute chuan politician zahawm berah an la ngai a, a duhtute ve thung erawh chuan an ram eibar dinhmun a hniampui em avangin paih a ni chu an lawm ve thung.
Khan-a hian Nilaini khan Peshawar-ah ‘jalsa’ a huaihawt a. An party chuan April 21 hian Lahore khawpuiah vantlang inkhawm liantham tak a huaihawt dawn niin an puang bawk.
Khan-a hian paih thlak a nih hma khan inthlan a awm thuai dawn tiin a lo sawi tawh a, Nilainia jalsa a huaihawt pawh hi a campaign bul \anna anga ngaih a ni.
Hetih lai hian Khan-a kaihhruai party-a social medi pariatte chu online campaign-ah Pakistan Army Chief General Qamar Javed Bajwa-a deuva an pho lan avangin man an ni.
Federal Investigation Agency chuan sipai lal leh Supreme Court judge-te beihna lam hawia social media-a thehdarhnaa a che na zual rinhlelh mi 50 hming an neih thu an sawi a, an zinga pariat an an tawh tih an sawi.
Khan-a hi a tirah chuan sipaite puihna avanga sorkar anga sawi a ni a; mahse, tun hnaiah an inkar a chhe ta nia sawi niin General Bajwa pawh a nihna a\anga paih a duh nia sawi a ni bawk.
Sipaite hi politics thila Khan-a leh eptute an inbeih lai khan an ngai tlat a. Khan-a a chhuah hnuah hian sorkar hnuaia mi an nih thu leh tu hnuaiah pawh ni se ram venhim chu an tih tur a nih thu an sawi.
General Bajwa chuan, “Pakistan Army hian ram chhung leh pawn lam a\anga Pakistan tiderthawng thei leh buaina thlen thei laka venhimna pek chu a mawhphurhna a ni a, chu hna chu a thawk zel ang,” a ti.