An ram eibar dinhmun chhe lutuk avanga thinrim Sri Lanka mipuite chuan an khawpui, Colombo-a President Gotabaya Rajapaksa pisa kawtthler chu amah duh lohna lantirhna hmun, (protest camp) atan siamin an luah.
Mi za chuang zetin Inrinni a\ang khan ruah sur hnuaiah he hmun hi an luah a, president leh a unau thiltithei tak takte an bân hma loh chu an kal sawn dawn lo tih an sawi.
Galle Face Green an tih hi Colombo-a khualbuk changkang tak tak, Shangri-La, Kingsbury leh a dangte awmna a ni a. Puan in rawng lar tak tak eng emaw zat kaihin a kawt zawl chu luah khah vek a ni.
Puan ina awmte hian ei tur, tui leh damdawi an inchhawp a. Inthiarna laksawn mai theih dah a ni bawk.
He hmunah hian Ningani kal ta khan loudspeaker phur truck dingin presidential secretariat hmaah chiah Rajapaksa unau duh lohna au tihrik a ni tawh bawk.
Sorkar duh lotute hian an punkhawmnaah hian thu ziak tam tak an keng a. |henkhatah chuan, “He thil hi lung ina in luh hunah chauh a tawp ang,” tih te, “He hmunah hian intihlima kal khawm kan ni lo, kan ram neih let leh kan duh a ni,” tih inziakte pawh a awm.