Aizawl: Kawlbem SHP (Mini Hydel Project) siam hnathawh viltu, Nortech Power Project (P) Ltd-a Supervisor Arun Thakur-a’n an hna a tluan chuan kumin June thla ral hmaa zawh fel hman an inbeisei thu bialtu MLA L Thangmawia a hrilh.
Lengteng bialtu MLA L Thangmawia chuan a bial chhunga Kawlbem SHP hnathawh mek hi tlawhin hna kal mekte a enfiah a. He hna viltu, supervisor chuan khawl bun hna an zawh \ep tawh thu leh an hna a tluan chuan June thla ral hmaa zawh fel an inbeisei thu hi a lo hrilh a ni.
EE, Ngopa Hydel Division PB Lal\anpuia’n Megawatt 4 pe chhuak thei tur Kawlbem SHP chu kum 2014-a thawh \an, kum 2017-a zawh tura ruahman a nih thu leh a huna zawh theih a nih loh chhante bialtu MLA chu a lo hrilh a. He project atana sum ruahman chu Rs. nuai 4,960 a nih thu leh Rs. nuai 3,200 NABARD loan, Rs. nuai 2,000 MNRE grant leh state sorkarin a do letna Rs. nuai 142.10 te a nih thu a sawi.
Physical work zawh fel a nih tawh thu leh khawl buntuten an zawh fel veleh commission theih mai tawh tur a nih thu PB Lal\anpuia chuan a sawi a. He project hi zawh hun tur aia tlai fe-ah zo dawn mah se sum ruahman sa chu ennawn a nih loh thu bialtu MLA chu a lo hrilh bawk.
Bialtu MLA chuan he project hi kum 2020-ah a tlawh tawh thu leh Nortech company pawh chak zawka hnathawk tura phone bakah DO letter hmanga a lo ngen tawh thu a sawi a. A power pek chhuah zawng zawngte Mizoram ta tur a nih avangin an peih fel hnai ta chu lawmawm a tih thu sawiin, hnathawktute chu harsatna an neih apiang inthlahrung lova hrilh \hin turin a chah a, a tih theih chinah theihtawp a lo chhuahpui zel tur thu a hrilh a ni.