Tropical Strom Megi: Philip-pines-ah mi 53-in thi tawh

Philippines ram chu Tropical Storm Megi-in a nuai avanga lei min leh tui lianah mi 53 vel zet an thi tawh.
Chhanchhuah hna thawktute chuan Nilaini pawh khan tui lianin a chim khaw hrang hrangah dam chhuakte an la zawng a, chirh haiin awm thleng thleng tui an dai.
Thuneitute chuan Pathiannia khuarel chhiatna an tawhah hian thi zat an la pun ngei an ring.
Leyte province lailia Baybay khawpui chhehvela khuate chu a tuar na ber an ni.
Tlang a\anga lei min leh lui tui luang liamte chuan chenna in tam tak hnawlin mihring tam tak a nung chungin a chhilh a. Mayor Jose Carlos Cari chuan an khawpui chhehvelah ringawt mi 47 vel an thi tih CNN hnenah a sawi.
Pilar khuaah chuan in awm zinga 80% chuang zet tui lianin tuipuiah a len lut niin sorkar thuneitute chuan news agency AFP an hrilh.
Philippines national disaster agency chuan thihna hi chhim lama Davao region, Mindanao leh ram lailia Negros Orientals province-ah te pawh a thleng tih an sawi.
Thuneitute chuan an ram chhim leh khawchhak lam thliarkara cheng mi 1,00,000 chuangin storm hi an tuar tih an sawi.
Anmahni \awnga Agaton tia an sawi a thawh ni, Pathianni khan mi tam tak chuan an in chhuahsanin hmun dang leh hmun sang lam an pan a. Thliarkar awm khawm ram hi ruah leh darkar khata km 65 vela chak thlipuiin a nuai a ni.
Philippines Coast Guard-in thlalak an thehdarhah chuan chhanchhuah hna thawktute chuan awm thleng tui daiin hliam tuarte chu hlangin an zawn kual a, khawlaiah lawnglengin an tei kual bawk.
Ruah sur chhunzawm avangin chhanchhuah hna hi a chak hleithei lo va, Thawhlehni a\ang khan a ziaawm hret thung.
Thawhlehni khan national disaster agency thupuangtu chuan Baybay khawpui chhehvela lei min nasatna lai chu ‘hlauhawm chin’ an siam lo lai a nih hlawm thu a sawi tih AFP chuan a tar lang.
Baybay-a public information officer Marissa Miguel Cano chuan news agency hnenah, “Khaw ro hun turah kan ngaih a ni a; mahse, sik leh sa inthlak hian engkim a tidanglam zo a ni,” a ti.

Leave a Reply

error: Content is protected !!

Notice: ob_end_flush(): failed to send buffer of zlib output compression (1) in /home/thezozam/public_html/wp-includes/functions.php on line 5427

Notice: ob_end_flush(): failed to send buffer of zlib output compression (1) in /home/thezozam/public_html/wp-includes/functions.php on line 5427