Aizawl : Siaha Fire station leh DI- PRO office Siaha te tangkawpin nimin khan thuthar theh- darhtute pualin kangmei ven chungchang zirhona Siaha-ah an buatsaih a. Fireman Vanlalpeka leh L. David Vungzaliana ten zirtirna an pe.
Kang mei ven chungchang training-ah hian kangmei chhuah theih dan leh a hlauhawm dan te leh fimkhur dan tur kawng hrang hrangte an zirhova. Kangthelhna hmanraw chi khat Fire extinguisher hman dan te an zirho bawk.
Kum 2021-2022 chhung khan Siahaah kangmei chhuak, F&ES tena an thelh ngai tum 8 awmin, chenna in kang pakhat leh ram kang hmun 7-ah a awm. Siaha Fire station-ah thawktu – Fireman 7 leh thawktu dang 4, av vaiin 11 an awm mek a, Kangthelh motor (fire tender) 2 a awm bawk a ni.