Thâwklak (breathing exercise) hi thil pawimawh em em mai, a bik takin rilruhah leh tawt ut ut te’na hahdamnan leh chhawk zangkhainana an hman rim ber a ni mek a. Hna ropui leh chak tak a thawk thei a ni mai lova, vawi tam pawh tih a ngai lova, khawi hmunah pawh a remchang em em vek mai a ni.
Covid-19 vanga rei tak enkawl emaw damchhuak leh te tan pawh ni se, breathing exercise hi a pawimawh hle a, dam chak lehzualna a ni. Chuap-in hun khirh leh harsa tak a paltlang vangin a tawk chiaha exercise lakpui thin tur a ni. Nikhatah vawi thum vel emaw kalpui ni se, a tha ber. A tih dan tur a in-ang lo thei a, doctor thiam te rawn tur a ni ang.
Thawpik leh rilrutawt/hahna hian taksa leh rilru a tibuai nasa hle a. He thil hian min tibuai em emtu- Lû nâ, Hah leh insawiselna dangte lak atanga min tih zalen bakah, muttuinan, chi-aina lak atanga himna te, rilruhah benvawn thlenga tihziaawmna a awm avangin a hlawkna hi namai lo tak a ni.
Harsatna hrang hrangin a tlakbuak lai che-in, hahdam i duh bawk si chuan ‘breathing exercise’ hi nei rawh le. i rilru buai tak tlenfai i duh a, taksa atanga paihchhuah i duh bawk a, mangang leh chi-ai, zam bawk si, hlauthawng deuh roh bawk si-a i awm chuan hmang tangkai ta che. i tum leh beisei anga thil a kal/awm lohva, inhnial thinrimna hmuna hmai sensa tak i tawh laite-a insum thei tur chuan he thil hi hmang tangkai ngei bawk ang che.
Pangngai taka ‘breathing exercise’ hi i ti thin anih chuan rilruhah, thawpk leh tawt ut ut enkawl dan leh buaipui dan i hre nghal ang.