Sangtea’n chak turin round li bak mamawh lo

WBC world youth super featherweight champion ni lai Mizo boxer Lalrinsanga Tlau chuan Inrinni zan khan amah chotu Ilia Beruashvili chu round li chhuungin a hneh a. Professional boxing-ah hnehtu a la tawng lo.

Dubal a Conrad Hotel-ah People’s Fighters Boxing Event-ah Sangtea leh Georgian boxer Beruashvila te an inhmachhawn a. Round li ring chhunga an inhnek chhungin Khawruhlian tlangval hi a chungnung chiang a. Round khatna leh round thumnaah Sangtea’n a khingpui hi referee chhiar ngaiin a hnek thu a. Sangtea’n a hnek chhuak tam a, a khingpui hi hunawlna hun a pe mang lo.

Round li-naah Beruashvila a chau tawh a, Sangtea’n a lu bakah a taksa lamah a hnek nasat avangin a che a rang tawk tawh lo. Round a zawh hnuah a chhunzawm theih tawh loh avangin technical knockout in Sangtea a chak.

Sangtea hian profesional boxing a vawi ruk a inlanna niin round tawp thlen ngai lova hnehna a chan tum thumna a ni. Fight card a Indian boxer dang Faizan Anwar pawhin Octavian Gratii a hneh ve bawk.

Leave a Reply

error: Content is protected !!