ICC T20 World Cup : England chakna Jos Buttler-a 101

England in ICC Men’s Twenty20 World Cup-ah semi-final an tling tawh tluk a ni a. Run 26 in Thawhtanni zanah Sri Lanka lakah hnehna pawimawh an chang a, England chakna hnar chu run 101 siamtu Jos Buttler a ni.

Buttler hian out lovin run 101 a siam a, hei vang hian England in Sri Lanka um turin run 164 an dah.

Sri Lanka hi an vaw chhe bik lova, chak turin ball 20 atang run 34 chiah mamawhin an awm hman. Nimahsela England in Wanindu Hasaranga (34) leh Dasun Shanaka (26) te chhuahtirin an dinhmun an thlak a. Sri Lanka wicket hnuhnung pathum chu run thum chiah siam belh tirin an vawm out zova. Sri Lanka hian over 19-ah run 137 chiah an siam.

England hi match li atang vawi li an chakna a ni a, wicket thum an hlohin run 35 chiah an siam laiin Buttler-a’n a chhanhim a. Twenty20 international-ah century a siam hmasak ber a ni bawk.

England hian an group inkhel hnuhnung berah South Africa an tum leh anga, Sri Lanka hian semi-final atana tling turin midang result an lama a tan an mamawh tawh thung.

Leave a Reply

Your email address will not be published. Required fields are marked *

error: Content is protected !!