Kum kal ta lama Chinese sipaite nen an intihbuai chiam hnuah India chuan Himalaya tlangdung khawkrawka a ramria venhimna lam a tichangtlung mek zel.
India leh China inrina zinga India lama state pakhat, Arunachal Pradesh chu Tibet nen inhnaih tak niin Buddhist sakhaw kalphung pawh an in\awm nasa hle.
Kum 1959 khan Chinese rorelna a dodal hneh loh avangin he state kaltlang hian Dalai Lama chu India-ah a tlanchhia a, tun thlengin India-ah a la cheng.
Beijing chuan Arunachal Pradesh hi a ram chinah chhalin South Tibet a ti a, Buddhist hruaitu a tlan luh a\anga kum thum hnuah indona nasa tak chhuakin hun rei vak lo chhung chu he state hmun zau tak hi a lo awp tawh nghe nghe.
Tun hnaia ram pahnih innghirnghona lian ber chu kum 2020-a khawthlang lam, Ladakh-a sipaite intihbuaina a\anga in\an kha niin Indian sipai 20 leh Chinese sipai pali an thi.
Buaina chhuah hnuah hian lehlam lehlam hian patrol an tir reng a, ram inluahsakah an inpuh tawn reng a. India hian ramri hnaih lutukah China hian awmhmun khuar a tum niin a puh bawk.
Lieutenant General Manoj Pande chuan, “China lama thil din tharte pawh hmuh a ni,” tiin thil thleng ngai lo tak tia chanchinbumite nen thla hmasaa helai bial a tlawhnaah hian a sawi.
“Heng thil dinte hian sipai tam zawk lo dah leh awmtir a hring dawn a ni,” a ti bawk.
New Delhi hian Arunachal Pradesh lama a ramri venna lam pawh tichangtlung thuaiin cruise missile, howitzer, United States siam Chinook transport chopper leh Israel-a sak drone-te pawh a dah belh.
India hmarchhak lama sipai officer awmte chuan nikuma Ladakh-a buaina chhuak khan ramri venna lama intihchak a ngaihzia a tilang tih an sawi a. A hnua inbiakna an neihten rah \ha chhuah lovin Beijing chu ramri-ah a indin thar sauh sauh niin an sawi bawk.
China-in a awp, Tiber ram hnaih ber khua, Tawang chu a hmun a san avangin a vawt hle a, he lai hi sipaite tana luhna khân \ha ber a ni thung a. A vawt a, boruak pawh a pan tawh hle.
A bul hnaia sipai outpost-te chu thlasik lai chuan chawlhkar tam tak tlawhpawh theih loh an ni \hin.
“A khaw awm dan hi mihring tana him lo tak a ni,” tiin Indian army brigadier chuan AFP news agency a hrilh a. “Mi a hrisel \hat tawk loh emaw, a train \hat loh emaw chuan a thi a ni mai,” a ti.
Army engineer-te chuan feet 13,000-a sangah leiverh lian tak an siam a. Hei hi nakuma hawn tum niin sipaite tana kawng pawimawh tak tur a ni.
“Heng leiverh hmang hian tual chhung mite leh khawtual mite chu awlsam takin engtik lai pawhin an kal thei ang,” tiin Colonel Parikshit Mehra chuan a sawi.
Hetiang deuh bawk hi Ladakh-ah pawh kalpui a ni a, tlang khawkrawk taka kawng, thlasika kal theih ngai loh, Zojila mountain pass bulah berh a ni a. Hei hian sipai chet vel a tiawlsam dawn a ni.