India chuan Nilaini hian Delhi Regional Security Dialogue on Afghanistan a thleng dawn a. Taliban-in Kabul an lak hnua thil thleng leh kal zel dan turte chu a \henawm rama venhimna lam hotu lianten an sawiho vang.
Pakistan pawh tel tura sawm an ni a; mahse, an ram National Security Adviser (NSA) Moeed Yusuf chuan a tel dawn loh thu a sawi tawh a. China pawh sawm a ni a, a tel dawn leh dawn loh a chiang lo.
Islamabad hian a awm dan tur sawi chiang tawh a. New Delhi-a intawh khawm turah hian Russia, Iran leh Asia ram lailia ramte pawh an tel dawn a, India NSA Ajit Doval-an a kaihruai ang.
Tun \um hi Asia ram laili leh Afghanistan \henawm ramten Kabul chungchang an sawiho vawi khatna a ni dawn lo va. A \henawm – Tajikistan, Turkmenistan leh Uzbekistan te pawhin hetiang deuh bawk hian an lo intawk khawm tawh.
Afghanistan chungchang sawihona vawi hnih neih tawhah September, 2018 leh December, 2019 khan Iran-in a thleng a. A vawi thumnaah erawh India chu Covid-19 avangin a tel lo.
Tun \uma \hutkhawm tur hi India-in a lang taka Afghanistan chungchanga a ngaihdan a sawina tura ngaih a ni.
Pakistan hian India sawmna hi official-in a chhang lo va; mahse, Yusuf-a chuan Thawhlehnia thuthar lakhawmtute a kawmnaah a tel dawn loh thu a sawi.