Mizoramin ni danga la thleng ngai lo buaina leh harsatna a tawng tih sawiin, “Joba anchhia ang kan tawng a. Pathian \anpuinain eng emaw ti tiin kan kal mai mai a ni,” tiin Mizo National Front (MNF) President Zoramthanga’n a sawi.
Tuirial bial bye-election-a MNF MLA candidate tlin lawmna leh lawmthu sawina hun nimin khan an buatsaih a. He hunah thu sawiin MNF president chuan, “Kan sorkara a lawmawm kan ti. Amaherawhchu, kangmei a lo thleng a, Burma raltlan buaina lian lutuk a lo thleng a, mihring hri mai ni lo vawk hri a lo leng a. Ramri buai hautak ber a lo awm leh a. Tichuan, pandemic nasa lutukin a za tel kan thihnain kan buai leh ta. Chuvangin, Joba anchhia in tawng ve mek rih a nih hi tihna a ni,” a ti.
Vana pa Hall-a hun hmanah Zoramthanga hianm ni danga thleng ngai lo buaina thleng te hi mipuiin phurrit hriatpui mah se, an hriatpui loh tam tak a awm thu a sawi a. “Covid avang hian engzat nge kan pawisa hmuh tur kan chân tih hi a ni. January, 2020 a\anga kumin October thla tawp thleng hian sorkar laipui a\anga kan hmuh tur awm fel sa thlap, a \hen chu budget-ah pawh lo dah tur min tih thlap, kan chhiah-a kan daih lohna thil danga min phuhruka min pekna tur kan chhutin, cheng vbc 2800 vel a tling,” a ti a. Hemi hun chhunga Mizoram a\anga hmuh tur an la hmuh loh tam zia pawh an la chhut vek loh thu a sawi.
Chief minister chuan, “Keini ang state tereuh te, nuai nga-ah pawh buai tan chuan Rs. vbc khat hi nuai 100 a ni a, vbc. sang phei chu a tam lutuk a, vbc 2,800 vel kha tun kum khat leh thla 10 vel khan kan hmuh tur kha hmu lovin kan awm a. Engtin nge chaw kan ei a? Engtin nge hlawk kan pek? A ngaihna ka hre tawh lo a. Pathian \anpuinain eng emaw ti tiin kan kal mai mai a ni,” a ti.
“Kan budget en ila, zaa 90 chu sorkar laipui tum a ni. Chuta kum khat leh thla 10 chhunga Rs. vbc. 2,800 han chan chu a ni lo berah pawh Joba ran rual an laksak vek ang kha a ni pha mai awm e ka ti,” tiin, Finance department tan chuan a hautak hle niin a sawi a. “Amaherawhchu, chaw kan la ei a, hlawhte kan la la a, kan la kal naw naw thei hi Pathian malsawmna a ni,” a ti bawk.
Tuirial bial bye-election chungchangah MNF party candidate thlanah a hmaa intiam ruala inhre lawk ang maiin, a \ha ang an tih kha an aw rual \hap niin a sawi a. Tuirial bial hi Kawnpui bial a nih laiin chakna hun te chu nei ve zauh \hin mah se, an tun dinhmunah an \hat loh thu leh a huphurh hle thu a sawi a. Serchhip bial bye-election ah an tlak hnuah \an a ngaihzia an hriat phah a, an phek \an tak thu a sawi.
“Opposition-te pawhin tun \um chu bei nasa min ti ve a ni. |henkhatah chuan, offside min ham lek lek \hin a; amaherawhchu, \hahnemngaih hi chuan offside-a pawn deuh zar zarte hi a \ul ve bawk a ni,” a ti.
MNF Senior Vice President Tawnluia pawhin thu sawiin, Tuirial bial bye-election neih zawh takah khan tlin tumin party tinte an \an thu leh \hahnem an ngai tlan vek karah, bial lian vak loah hnehna dang tak an chang hi lawmawm a tih thu a sawi a. “Tun kan sorkar chhung hian \um thum bye-election awmah hmun hnihah hnehna kan chan bakah, AMC councillors, district council, VC/LC leh MP inthlanahte pawh hnehna kan chang zel a. Pathianin Zoram mipuite amah rawn chunga kaihruai turin min duh a ni,” tia sawiin, tunah hian MLA seat 40 awmah seat 28 an neih mek thu leh Chief Minister Zoramthanga kaihhruai hi Zoram mipui enkawl turin ram mipuiin an la rin tawk niin a sawi bawk.
Tuirial bialtu MLA atana nimina lak luh tak leh a lawmluhna pual an buatsaih K Laldawngliana pawhin, “Tun \um inthlana hnehna kan chang hi MNF tan chauh a ni lo, Tuirial bial mipui tan ka ni. Tuirial bial mipui, a bikin mi harsate tan ka ding tlat dawn a ni. Chhungkua leh mi mal ang pawhin in harsatna ka hnenah in rawn sawi zel dawn nia,” tia sawiin, MNF party President Zoramthanga leh an party hruaitu zawng zawngte chungah lawmthu a sawi.
He hunah hian MLA atana thlan thar K Laldawngliana leh a nupui chu MNYF Hqrs chuan pangpar hlanna hun an hmang a. Inkhawm hi K. Vanlalauva, Treasurer MNF & Tuirial bial bye-election campaign committee chairman chuan a kaihruai a ni.