Vantawng YMA-in Thenzawl tui tlan tur lakna siam en fiah


Vantawng Group YMA hnuaia Vigilance & Monitoring Committee leh Thenzawl Joint YMA hruaitute chuan nimin chawhnu khan Thenzawl Vengthara PHE Department-in Thenzawl mipui tlan tur tui an lakna hnathawh kal meka contractor-ten tui dahkhawlna tur zem lian, water reservoir pahnih an siam mek an enfiah.
Tui dahkhawlna zem lian hi hmun hnihah tui litre 6,05,000 (nuai ruk leh sangnga) khawl thei tura tih niin, cheng nuai 42, a vaiin cheng nuai 84 senna tur a ruahman a ni a. Tualchhung mi contractor ten an thawk mekin, YMA hruaitute chuan contractor te chu Thenzawl mipui tana hna pawimawh tak an thawk tih inhria a, a \ha thei ang bera hna thawk tur leh hmanrua pawh quality \ha thei ang ber hmang turin an ngen.
Contractor te pawhin, an theih chinah a \ha thei ang bera zela hnathawh an tum thu an sawi.
PHE dept. te hian NABARD RIDF Project hnuaiah cheng nuai 511.764 hmangin Vanva tuikhuah Pump chhuak turin, Thenzawl tana tuilak hna hi chak takin an thawk mek a ni.

Leave a Reply

Your email address will not be published. Required fields are marked *

error: Content is protected !!