HB Motors thlakin GIG Motors-in August 24, 2017 atangin Maruti Suzuki car dealer nihna an kalpui a, kum li leh thla hnih chhungin Mizoramah car 8,000 chuang an hralh tawh.
Covid-19 a len hnua an dinhmun chawikan leh nan Maruti Suzuki chuan Celerio thar an siam chhuak a, nimin chaw hmaah Mizoramah khuh hawngin India rama tlangzarh hmasa ber an ni.
GIG Motor showroom, Edenthar, Aizawlah Television reporter Vanneihthanga’n khuh hawngin India rama Celerio car thar tlangzarh hmasa ber a nih avanga vannei a intih thu a sawi a, Mizorama Maruti Suzuki car dealer-te chu mi dangte tana inpe thin an nih angin he motor pawh hi mi dangten malsawmna an chan theih nan duhsakna a hlan tih a sawi a, Mizorama khuh hawn a nih hnu hian company chuan India ramah a tlangzarh chauh a ni.
Mizorama Celerio thar lei hmasa mi pathum hnenah Vana hian chabi a hlan nghal a ni.
Car chanchin sawitu Lalrawngbawla chuan car man tlawm leh tha a ni a, Celerio hmasa aiin a pian hmang puitlingin a mawi a, India rama car zinga petrol heh lo bera sawi a nih bakah India rama car hralh chhuak hnem ber Marutu Suzuki siam a nih avangin a hlawhtling leh ngei dawn a ni, a ti.
2014 khan Celerio hmasa tihchhuah a ni a, kum sarih chhungin India ramah nuainga singkua sanghnih zali sawmkua pahnih an hralh a ni.
GIG Motors chief executive officer John Lalpeka chuan lawmthu a sawi a, anmahni dawrtute tana ding an nih angin englai pawhin tanpui an inpeih reng a, mipui tan thil a awlsam zawk theih nan huang zauhin hma an la mek tih a sawi bawk.
HB Motors thlakin GIG Motors-in August 24, 2017 atangin Maruti Suzuki car dealer nihna an kalpui a, kum li leh thla hnih chhungin Mizoramah car 8,000 chuang an hralh tawh a ni.
Lalrawngbawla thusawi :
Maruti Suzuki leh Celerio thar
• Maruti Suzuki company hi kum 40 kalta khan din tan a ni. 1983 khan Maruti 800 an siam chhuak tan.
• Maruti Suzuki company small car siamah an chung chuang larh. Company dang tumahin an tluk lo. (Khawvel company lian tam takin el thin mahse, an hlawh chham zel)
• Japan ramah motor a tam avangin kum tam tak kalta atangin dan an siam, Keishidosa class an tih small car te chauh parking license nei lovin a lei theih. Suzuki kut chhuak, Wagon R, Alto, Jimny te an hlawhtling.
• Maruti company atanga small car chhuak thar ber hi a chhe dawn lo tih a chiang. An thiamna leh tawn hriat zau tak atanga tuk chhuah a ni. (small car siam experience ngah ber chu Maruti Suzuki a ni tlat)
• Celerio model hi kum 2014 khan tih chhuah tan a ni a, kum 7 hnuah a aia changkang zawk leh mawi zawkin an rawn thlak ta a ni.
All New Celerio
• Celerio hmasa aiin a pian hmang a puitling zawkin, a mawi zawkin ka hria.
• A front grille leh headlight bawr vel hi a mawi lai tak niin ka hria.
• A sei zawng hi a model hlui nen a inang chiah a, 55mm in a hlai zawk thung. 5mm in a hniam.
• A wheelbase 10mm in a thui zawk a, 15kg in a zang zawk a, 10kg in a phur rit thei hret thung.
• Petrol heh lo zawk a ni bawk a, a tanky pawh 2 litre in a te zawk.
• Thil tha tam tak bilh tel a niin chung zinga a lar zualte chu ABS, Impact sensing Auto door unlock, Pedestrian protection, Speed alert system te bakah thil tha tam tak bilh tel a ni.
• Technology thar chi hnih Engine idle start/stop leh hill hold assist bilh tel a ni bawk.
• Rawng chi hrang 6 duh thlan tur a awmin Manual leh Auto Gear shift(AGS) duhthlan tur a awm bawk.
• Maruti company chuan India ram car petrol hehlo berah a chhal a, litre khatin 26km chuang a tlan thei niin an ziak.
Engvangin nge Maruti car siam kan lei ang?• India ram car hralh tam ber an nih avangin a enkawl leh repairna hmun an ngah tawk.
• Siam chhuah tam na na na chu spare part pawh a tam thinin siam thiam pawh an tam zel.