- Robert Zoliana
Covid-19 virus hi taksakin a lo bei a, a lo do letna lamah a chau ve thei hle a, zâwi a awl bakah chau ngawih ngawih (fatigue) te pawhin a rawn zui nghal mai thin.
Engpawhnise, ei leh in hrisel ei that tum ang che. Protein tamna ei uar la, thlai hnah/rah tharlam te bakah Artui ei tel a tha bawk
Zan lamah a lo berah darkar 7-8 tal muthilh nan hman tum ang che. Tui tak leh kham taka i mut a pawi-mawh. I muthilh hlan hian i taksa peng bakah a chhunga awm te insiamthat hun lai a nih avangin ngaipawimawh hle ang che.
Thâwk lâk (breathing exercise) a pawimawh hle. Ni khat vawi thum- zing chhun leh tlai ah ti thin ang che.
Hunbi neia tui in tam a tul hle bawk ang. Nikhatah a tlêm berah litre 2 tal i in ngei ngei dawn nia.
Vawileh khata exercise la nghal rum rum lovin, a zangkhai lam chi nena bul tan a, zawi zawia tih chho tur a ni. A tha berah chuan ke-a kal ni rih se.
Doctor thurawn la-in, Vitamin C emaw multivitamin i ei thei bawk ang.
Mi thenkhat chu Covid-19 an vei atanga kar 4 thleng pawhin natna lanchhuah dan a la châm bang thin.
Engte nge ni le..
Chau ngawih ngawih
Eng emaw tih hleka chau nghal zung zung
khawsik
Khuh
Khák tam
Lu na
Zan lama muttui lo
Chau ngawih ngawih ang chi ah hian hahdam thei ang bera awm rih a tha a, taksa chetna ang chi pawh nise, zawi zawiin tih chhoh tur a ni. A tul dan a zira doctor entir a, Chest X-ray leh ECG kalpui pawh a sual lo.
Khawsik, lu na angah chuan paracetamol 500 mg ei a pawi lo. Ei reng emaw ei tlut tlut tur erawh a ni lovang.
Khák tam emaw hnawh ang chi ah chuan tuilum hu hip a tha. Hip nasast loh tur a ni thung a, thâwkna dâwt a vung thei a, hip nghek nghek suh. A tul dan azira khak tihziaawmna damdawi te pawh ei a pawi lo.
I khuh a nih chuan tuilum in ang che. Zing thawh veleha Chi nena hrawk thuah te pawh a tha.
Zan mut dawn hnaihah Phone/TV en suh. Mut tak tak hmâ darkar 30 ( a lo berah) chuan heng te hi khawih a, buaipui tawh loh tur a ni. Muttuina damdawi ei te pawh i rilruk mai thei. Mahse, khuarei ah thil pawi a thlen zawk avangin pumpelh hram a tha.
Stress a awm thei a, a tihziaawm dan zawn vat tur a ni. Hmun tam takah chuan meditation te an ti a, yoga hmanga intizangkhai te pawh an awm. I remchan dan leh i tlin tur ber hmang khan rilru sawizawi la, tihhahdam tum ang che.