Karhmasa atang tawha a awmna chin hriat loha sawi, filmstar lar Moses J Moseley chu kum 31 mi niin a thi.
A thawhpui leh chhungte’n mil ngilnei leh zaidam taka sawi hi ‘The Walkind Dead’ TV show lar taka inlan niin, a thih thu in lemchan khawvel a barakhaih nasa hle.
Post-apocalyptic TV horror show-a inlan hian uitu leh thlahleltu a ngah hle a, a thih thu hriat a nih veleh amah thlahna leh sunna thu a ri nghal chuah chuah a ni.
A chanpui Jeremy Pakko chuan, “Mi ngilnei tawpkhawk leh mihring zaidam em em a ni,” a ti. ‘The Walking Dead’ star thawhpui dang Addy Miller pawhin, mihring ‘bright’ leh ngilnei tak thih thu in a thinlung a tikeh-chhiat vek thu a sawi ve bawk.
Moses thih dan dik tak hi chanchin buatsaih lai hian official-a puan leh tarlan a la awm lova, rinthu tam tak karah police te chuan mahnia intihlum niah an ngai.
A ruang hi Hudson Bridge, Georgia hmuh niin, helai daiha tawpna hun a hmang ta mai hi mi tam tak mak tih a ni mek a, thil fel lo leh dik lo a awm ngeia ring an tam.