Tun dinhmuna Netflix Tv show-a khawvel huap number one chu ‘All of US Are Dead’ niin, January 18 a tlangzarh khum pha tur an la awm chuang lo.
‘Squid Game’ leh ‘Hellbound’ hnung zuiin, Neftlix-ah korean drama pathumna ni turin a dingchhuak ta chu a ni a, tlangzarh atanga ni thum chhung lek khan he show en nan darkar maktaduai 124.79 hman a ni.
A ni khatnaa pakhatna ni nghal mai hi a hnu ni sarih ah pawh a vawkpui lal len chhunzawm a, tunah pawh a ni tho.
Netflix pawhna ram 91-ah ‘All of Us Are Dead’ hi top 10-ah a awm a, zombie thriller hi ram 50 zet- Japan, Mexico, India, France, Australia leh ramdangah te pakhatna a ni chiang hle.
Tarlan tawh angin, ‘All of Us Are Dead’ hi webtoon-a innghat, zombie thriller pui tak niin, Korean high school zirlaite’n zombie taidarhna hmunpui ber an school atanga dam khawchhuak tura an beih-na hmuhnawm tak a ni.
He show hian engti ang tak nge record a siam chhoh dawn hriat ni lo mah se, ‘Squid Game’ leh ‘Hellbound’ te aiin bul a tan fuh fe, a tih ngam. Phat rual a ni love.