Kia Seltos
Mak angreng takin Kia kutchhuak Seltos hian Hyundai Creta a khum vah mai a, ramchhunga SUV hralh kal ber niin, unit 11,483 an hralh. (January 2021 khan 9,869 hralh). Heti hian hralh-chhuah lama a thanna 16% a ni ta a, a langsar fal ta hle bawk. Feature hman awlsam leh transmission duhthlan tur thahnem tak an offer thei te hian lawm a hlawh. Thla hmasaa ramchhunga model hralh kal ber pasarihna a hauh lehzel bawk nen, KIA tan lawmna tur hlir a ni.
Hyundai Creta
Pahnihnaa awm mah se, Hyundai Creta hi SUV bikah chuan tha ber pawl a ni tho tho. Mahse, supply duhkhawp lohna vangin hralh a kal tluang lo a, Janunary 2022 khan 9,869 hralh niin, January 2021 a hralh chhuah 12,284 nen khaikhinin 20% in a tla hniam. SUV tha tak hi petrol leh diesel engine duhthlan tur a awm.
Mahindra XUV700
Mahindra SUV chhuak thar ber hi Indian market-a phochhuah a nih khan booking a tam chho viau hman a, thla 18 nghah te pawh a ngai hial a ni awm e. Thla hmasa khan Mahindra hian unit 4,119 hralhin, SUV bika ramchhunga hralh kal ber pathumna a ni. XUV700 hian thla thar lamah Creta leh Seltos khum thei tak maw…