HRISELNA HUANG
N95 & KN95 mask vuah nawn theih zat i hria em?
- Robert Zoliana
A nih leh, N95 mask hi vawi engzat nge hman nawn theih a nih? Hripui lak himna tha ber min pe thei N95 leh KN95 te hi hman nawn theih a nih laiin, U.S. Centers of Disease Control & Pervention chuan hriselna lama thawkte hian N95 mask hi vawi nga thlengin an hman thei niin, an tarlang.
Mahse, mithiamte chuan mi pangngai te tana hman theihzat leh him rei theih dan hi hman danah thui tak a innghat, an ti ve thung a ni.
Mask vuah chunga hmun dang danga kal kual leh office-a nilenga vuah nen chuan a danglam ang.
Mask vuah zat hun (amount of time) hi engtia zinga vuah nge a nih, tih aiin a pawimawh daih zawk. A tlangpuiin, N95 mask hi hnih thum aia tam hman loh a tha ber.
N95 mask vuah chunga i thâwkluh apiang khan mask-ah particle te an lo inzep ve zel a, chu chuan thâwk a tiharsa chho ve thei tlat mai. Hnawhtu leh tâng a awm khan thâwk a tinuam lo thei a, mask theihna pawh an tihniam tial tial thei bawk.
Mask-a awm elastic band pawh kha a lo rei chuan a chhe thei a, a balin, a hnâwng/huh thei bawk a, exercise neih lai phei chuan a nasa thei.
Hengte hi i hmuh a, i hriat tawh chuan mask thlak a hun tihna a ni a, hman zui tawh loh tur. Darkar tam vak lo hmang pawh ni la. N95 mask hi suk fai ngawt chi a ni lova, hman tawh loh chuan paih vang vang tur a ni.
Zirchianna hrang hranga a lan danin, N95 mask hian Covid-19 darh zel tur lakah himna a pe tha ber, tih a ni a, Centres for Disease Control & Prevetntion (CDC) pawm dan pawh a ni. Mask vuah lo hri kai te hian midang nena feet 6 aia hnaiha an awm hian minute 15 chhung lekin midang an kai nghal thei.
Puanthan pangngai hmanga siam mask in vuah ve ve in nih chuan minute 27 ah a kai chho a, hri kai ve lo, mask vuah bawk a nih a, pakhat dang hi hri kai bawk, mask vuah bawk si lo a nih chuan minute 20-ah a tla hniam nghal.
Chutiang deuh chuan, hri kai, mask vuah bawk si lo leh midang surgical mask vuah te inkara hri inkai theihna hi minute 30 ah a chho a. Chutih rualin, hri kai leh hri kai ve lo- N95 mask vuah ve ve te inkar hri inkai tur chuan darkar 25 vel a ngai.