Kum naupangte ni a rimawi khawvel a al khan boruak a zo lo anga sawi ni thin mah se, a chet zeina thin hi sawi fo a ni. Tun tumah pawh Billie Eilish hian midangte ngaipawi-mawh a nihna a lang leh a, nunna a chhanchhuak te pawh a tih theih hial ang.
State Farm Are, Atlanta, Georgia-a tunhnaia concert a neihah mipui zinga mi pakhat che buai a hmu fuh a, a zai lai chawlhsanin, thâwk lama harsatna a nei nia hriain inhaler a mamawh em, tiin a zuk zawt.
Tichuan, mipui hriat turin, ‘Inhaler nei kan awm mial em, pakhat kan va mamawh em’ a tih hnu-ah a thawhpuite’n an rawn pe nghal vat a, mipui te chu kiangsawn tura ngenin, he hmeichhe tleirawlin boruak thianghlim a dawn theih nan a buaipui nghal.
‘Hun reilote pe in, i hnaih rih lovang u’ tiin atan a ngensak bawk.
‘Happier Than Ever, The World Tour’ a neih chhoh mekah Billie hian hmei-chhe tleirawl hi concert laklawh lai mah ni se, a ngaihtuah zui hle a, a zia-awm ve leh a hmalama inlan leh mai tura hrilhin, “I love you’ tiin a tawng thlamuan bawk. A hnu rei lovah hmeichhe tleiawl hian mipui a rawn zawm veleh ta a ni.