Tun kartawpah NBA trade deadline a nih tawh avangin team ten tun season leh season thar thlir chungin an team siksawi dan an thlir hlawm a. Heng zinga langsar ni turin New Orleans Pelcians chuan Portland Trail Blazers guard CJ McCollum chu trade in an lalut.
Pelicans hian McCollum an lakluhna tur hian Blazers hnenah Josh Hart, Tomas Satoransky, Nickeil Alexander-Walker leh Didi Louzada te an kaltir bakah NBA Draft a protected first-round pick leh second-round pick te an pe a. He 1st round pick hi kumin draft ami tur a ni.
Portland hian New Orleans-ah McCollum bakah forward pahnih Larry Nance Jr. leh Tony Snell te an kaltir ve bawk.
Kum 30 mi McCollum hi kum 2013 khan Portland hian NBA Draft a\ang an lalut a, kum 2016 khan Most Improved Player chawimawina dawngin Blazers star player Damian Lillard nen NBA a ‘backcourt’ a inkawp hlauhawm ber zing ami an ni.
Tun season-ah 20.5 points average neiin NBA a shooting guard rintlak zing a mi a ni. Pelicans hian NBA Playoffs khelh phak ngei an tum a, an backcourt tichak tur leh an player naupang beiseiawm Zion Williamson leh Brandon Ingram te nena rinrawl pathum ni turin McCollum hi an duh.
Lehlamah Portland in kum 2017 a Western Confernce Finals an thlen hnuah Playoffs-ah thui tak an kal thei tawh lova. Anfernee Simons hmasawnna a len bawk avangin team inthuam \hatna tura salary cap leh roster hmunruak an neih tam theih nan nakkum leh a kum leh a Dollar maktaduai 33.3 leh 35.8 hlawh tur McCollum hi an chhuahtir.
Blazers in an dawn player-te hi an team-ah eng ang mawhphurhna nge an chan dawn tih erawh enchhin a ngai anga. Chutihlaiin Pelicans hian kuminah Playoffs an khel lova, NBA Draft Lottery-ah an hlawhtling a nih loh chuan Blazers in first round pick an dawn avang hian kumin NBA Draft-ah top 11-ah player pahnih an thlang thei dawn a ang hle.
Pacers-Kings trade
Nilaini a player insawn zingah Indiana Pacers leh Sacramento Kings trade in sawi a hlawh a. Pacers in vawi hnih All-Star i tawh center Domantas Sabonis chu Kings-ah an kaltir a, guard Tyrese Haliburton, guard Buddy Hield leh center Tristan Thompson te an lalut ve thung.