YG Entertainment chuan an enkawl BLACKPINK group hla, ‘How You Like That’ dance video-in YouTube-ah 1 billion view a kai tawh thu a puang.
He video hi July 2020 khan tlangzarh niin, K-pop group tan 1 billion view nei thei dance video hmasa ber a ni nghal a, an lawmna a thuah hnih.
“Music video tak zawk hian 1.048 bilion view a nei tawh a, dance video nen inthlau lutuk chu an ni lem lo. heti anga dance video leh music video view in-ang deuh thuak hi thil thleng zen zen pawh a ni lo,” tiin YG Entertainment-in an tarlang bawk.
BLACKPINK hla, ‘How You Like That’ hian eng dinhmun thim leh chhah takah pawh ni se, hmalam pan tlat a, sang taka thlawk tura beiseina nei reng tho tura infuihna leh inchahna hla tha tak a ni.
BLACKPINK hian billion view kai thah video 32 an nei tawh a, channel subcriber pawh maktaduai 72 an kai ta bawk.
Music video ringawt pawh 1 billion view kai a harsat em em laia dance video te thlenga hlut a hlawh ta em em mai hi BlackPink theihna leh huhang ngahzia chiang takin a pholang, a tih theih mai awm e.