Russia chuan Ukraine a rûn mai dawn nia a lan mek laiin an ramria a sipai chhawp eng emaw zat chu a ko kir.
Defence ministry chuan lian tham taka nunchan an zir chu an chhunzawm dawn tih a sawi a; mahse, unit \henkhat chu an awmhmun pangngaiah an kir leh mek tih a sawi.
Ukraine erawh chuan Russian sipaite chet dan a la ngaichang a, ‘an inhnukdawk tih kan hmun hunah boruak sang inmung a reh tih kan awih chauh vang’ tiin a sawi.
Ukraine ramriah hian Russian sipai 1,00,000 chuang zet an inchhawp hman a. An \henawm ram hi rûn erawh a tum lo niin a sawi thung.
Ramria sipai a chhawp vak avang hian hlauhthawnna a nasa hman hle a, United States phei chuan engtik hunah pawh an bei thut thei niin a sawi hial.
Russia hian Ukraine ramin Nato a zawm loh a duh ber a, an zawm dawn lo tih tihchian chu an duh ber.
Russian defence ministry-in thuchhuah a siamah Ukraine ramri bula an sipai nunchan zir eng emaw zat chu an awmhmun pangngaiah an let leh tih a tar lang.
“Combat training exercise eng emaw zat, drill pawh telin, ti tura ruahmanna siam a ni,” tiin Defence Ministry thupuangtu, Igor Konashenkov chuan a sawi.
Exercise \henkhat chu an la chhunzawm dawn a, heng zingah hian Russia-Belarus drill an neih mek pawh telin hei hi February 20 thleng awh tur a ni.
Russia-in a sipai a hnuk kir hi khawi ram ve ve tan pawh an buai meknaa hnehna channaa ngaih theih a ni.
Ukraine Foreign Minister Dymytro Kuleba chuan ‘kan thawhpuite nen Russia nena innghirnghona neihah kan dang kir thei’ tiin a sawi.
Russian foreign ministry thupuangtu, Maria Zakharova pawhin an sipaite an hnuh kir ni chu ‘ram chanchinah inziakin khawthlang ramten war propaganda an neih a hlawhchham ta a. Silai hmet puak miah lovin kan tichhe thei a ni’ tiin a sawi.