HRISELNA HUANG
Hunbi neia chaw ei thatna – 5
- Robert Zoliana
Hrisel taka awm hi thil harsa tak a nih nachen a awm. Ei leh in enfiah a ngai, a hrisel thlan thiam a lo ngai tel a, exer lak leh taksa chetna dangte buaipui a ngai bawk. Mahse, a châng chuan awmze nei lo ang maiin, bawrhsawm deuha awm theih pawh a ni. Hei hi a chhan langsarah Ei leh in hunbi nei lo thin hi a ni thei hle ang.
Mi tam tak hi chuan exer lak leh ei lam thil hi hriselna tura banpui pa-hnihah an ngai deuh mai thin. Mahse, kan ei hun hian awmze thui tak a nei. Kan ei leh in hi hrisel viau mah se, hunbi nei mumal lova lakluh a ni reng tho chuan beisei ang result hmuh a harsa ang. Chuvang huan, hunbi nei taka ei leh in lakluh a tul takzet.
Hunbi nei a ei thatna
Chaw pai \awhna tichak: Ei hunbi hi ngaihtuah a ngai tawh ang. Zing lamah chuan, kan han thawh hian metabolism a thawk chakin awmzia a neih lai ber a ni. Hemi hun a thil ei hian metabolic rate-ah ammzia a nei thei. Hun a liam zel hian metabolism rate pawh a niam ve zel a, chuvang chuan zan dar 8 ah hi chuan zanriah kil tawh ni se, a tha ber.
Tuk\huan, chaw chhun leh zanriah: A inkar han en ila, kan taksa hian kan thil ei te pai\awih tur chuan darkar 3-4 tal a mamawh thin. Chumi awmzia chu, darkar 4 aia tam hi kar awl a tlazep tur a ni ang. Hei aia kar awl a tlem chuan ei luat a thleng thei a, hei aia kar awl a tam viau chuan acidity a awm thei bawk.
Harvang takin a siam ang che: Kan chaw ei te hian chakna min pe, tih hi hrat sa vek a ni a, hunbi nei leh a hun taka i ei loh erawh chuan nitina hna leh thil tul dang buaipuinaah harsatna a thlen thei che.
Taksa insiamna pui: Kan thil ei hun leh mut hun te hi kan duhthlannaah thui tak a innghat a, a nihna takah chuan kan ngaipawi-mawh leh pawi-mawh loh inkar te pawh a tih theih ang. Kan taksa insiam zung zung tur chuan hunbi mawlh kha a pawimawh.
Kalphung mumal zawk a thlen: Hunbi nei taka kan ei hian a hnu zelah pawh hun vawndikna leh ngaihpawimawhna kan nei thuai thin a, taksa in a hlawkpui thin hle.