Russian President Vladimir Putin-a’n Ukraine laka indo a puan tâk vangin hlauthawng takin khawvel a awm ta. Russia hian Ukraine rama airport thahnem tak a bomb un un mai bawk nen, khawvel a vir buai.
Sensex a tla hniam hneh hle a, khawvel market chu a tluchhe tan ta. Russia-Ukraine indona hian mihringte leh economy chauh a nghawng dawn lova, film industry thlengin an buai dawn.
Ukraine hi lemchan khawvela shooting neihna hmun lar tak a ni hial tawh lo maw, an tih chhoh mek lai a ni a, tunah an ram chu indonaa hnuhluh a ni ta bawk si a… a bik takin Ukraine rama Indian movies siam mek te tan a manganthlak lehzual ngei ang.
Hriat theih chin-a Ukraine rama Indian movie siam te:
RRR
Film ngaihven hlawh ber te zinga mi a ni a, milar tak tak an inlan. Alia Bhatt leh Ajay Devgn te channa hi Ukirane-a siam a ni a, nikum August khan a hmawr bawkna shooting an nei.
2.0
Rajnikanth, Akshay Kumar leh Amy Jackson te channa hmun Ukraine chu indona mualah a chang ta reng mai.
99 Songs
AR Rahman-a buaipui 99 Songs movie hi Ukraine-a shooting neih a ni a, a tawpkharna an siamna hmun a ni.
Dev
Tamil movie a ni a, romantic action-adventure lam hawi a ni. Film-a hmun tam zawk hi Ukraine-a buaipui a ni a, Indian cricket captain leh star all-rounder Kapil Deve chanchina beh-chhana siam a ni.
Winner
Telugu movie lar tak niin, Ukraine khawpui Kyiv-ah shooting an nei a, Livie leh Istanbul lamah te pawh an buaipui. Hla pathum phei chu Ukraine-a siam vek a ni. An sawi dan tak phei chuan, ‘Winner’ film hi Ukraine-a Indian film siam hmasak ber a ni awm e.