Mamit district chhunga awm Zamuang khua chuan kuhva huan an siam atangin tlangram lo neih an bânsan.
Zamuang Khua Kuhva Chingtu Association (ZKCA) chuan thuchhuah siamin, kum 2021 chhung khan kuhva an hralh atangin Rs 57,986,000 an thar chhuah thu an tar lang.
Hachhek tlang dunga kuhva ching chhuaktu Zamuang khuaah hian in 350 vel awmin, chhungkua zaa 85 velin kuhva huan siamin ei an zawng a, hei vang hian tlangram lo neih an ban san tawh a ni.
Kuhva tamin a tihbuai avang leh sanghal bakah thehleiten tihchhiatsak lo se tun ai hian an thar tam an beisei thu thuchhuah an siamah an tar lang bawk.