- Robert Zoliana
Naupai hi hmeichhiate nuna danglamna liantham tak a ni a. Hei vang hian naupai hmâ hauh atanga kawng tinrenga inbuatsaih leh inuluk a ngai reng a ni. Thi neih dan enfiah atanga nitin nunphung danglam dan thlengin kawng eng-kim maia ‘care’ tur apui a tam hle.
Tunah khan naupai i tum a, naute hrisel tak neih i duh bawk si anih chuan heng a hnuaia tarlan te hi tha taka zawm a pawimawh hle tawh ang:
Taksa rihna vawn that:
Naupaina ah hian taksa rihna thunun that hian kawngro a su hle tih hriat hmasak phawt a tha. Taksa rihna hniam lutuk emaw rit lutuk angah hian mihringa insiam tur nausen tereuhte tan i taksa chhunga dam khawchhuah kha harsa tak a ni thin. Body Mass Index (BMI) hrisel tak i mamawh a, hei hian naute hrilse neih-na kawngah awmze thui tak a nei. Taksa rihna awm mawi tawk tak nei tur chuan hunbi neia exer lak a tul dawn a ni.
Ei tur tha rualkhai taka ei
Naupai hmâa i thil ei khan naute hriselna leh bawrhsawmna ah thlengin nghawng a nei dawn. Chawtha (nutrient) lalut tur hian ei tur thlan danah fimkhur a ngai. Tui tih-zâwng ei nghek nghek te, eng emaw bika râwp tihnat viau te hi a tha lo. Thei rah leh thlai hnah tharlam te ei uar la, i thil ei ah khan carbohydrate, protein leh fibre a tel tha tur a ni. Chi leh thlum lam ei loh hram a tha ang.
IFA talblets ei
Hmeichhia te hi kum 10-14 an ni thei a, tin, an period emaw hnute ah danglamna a awm chhoh phat atangin iron leh folic acid tlak-chhamna an tawngbaw nghal deuh mai thin a, hei vang hian tleirawl tak tak hnu hian IFA tablet te hi ei tur te pawha inchawh fo a ni. (Doctor remtihna lak erawh a ngai ang). IFA tablet rual hian iron tamna ei ur te ei a, vitamin c tamna lakluh that te pawh a pawimawh ang.
Zu leh Zial nghei hmak
Naupai lai hian hmeichhe taksaa harsatna thlen thei zingah Zu leh zial a langsar a, naute \hanlen zelna turah thlengin nghawng a nei thei. Chhungkaw member zial leh zu in thin te pawh heti ang hunah chuan remhre taka awm hlat deuh te pawh a tul hle a ni.
Stress nei lo hram rawh
Naupai tumna a awm tawh chuan rilru chi-ai emaw tawt ut ut, rilruhah ngawih ngawih te thlenga pumpelh dan zawn vat a tha. Rilru hahdam taka awm tum ang che. Boruak stress angreng tak hnuaia awm a tha lovang. Nuam i tihzawng- zai te, lam te leh thil dang te pawh tih a tha. Thinlung hlim hi damdawi tha tak a nih angin taksa hlimna pawh a ni tel.