Health minister Dr R Lalthangliana chuan ZMC-a VRDL-ah test run/trial run tum thum neih tawhah a la hlawhtlin loh avangin genomic sequencing tih tan a la nih loh thu house a hrilh.
Rorel lai member pahnih, Dr ZR Thiamsanga leh Zothantluanga te zawhna intawm chhangin Dr R Lalthangliana chuan, ZMC-a Genomic Sequencing Laboratory hi ZMC/VRDL-ah bun fel tawh ni mah se, genomic sequencing hi tih tan a la ni lo a. A chhan chu test run/trial run tum thum neih tawh niin, reageant/kit dik tawk loh avangin a la hlawhtlin loh thu a sawi a. “Tunah hian reageant/kit thar leh technical specialist te lo thleng mai tura beisei a ni,” a ti.
Zawh belhna chhangin health dept changtu Dr R Lalthangliana chuan tunah hian genomic sequencing la tih theih chiah lo nachungin, Pune-a National Institute of Virology-ah training turin mi pahnih tirh an tirh te pawh an lo kir tawh thu a sawi a. He khawl hmang tur hian phal neih a ngaih thu leh Department of Biotechnology, Govt of India-ah phalna dil a nih mek thu leh hmuh thuai an beisei thu a sawi a. He khawl hi thla khat chhung hi chuan hman theih an beisei thu a sawi bawk.