Jamshedpur FC chuan an team chanchina vawikhatna atana Indian Super League playoffs an khelh dawn hnuah league a point hmu hnem ber an ni a. League Winners Shield an chawi.
Thawh\anni zanah Men of Steel hi ATK Mohun Bagan laka tlawm loh chiah mamawh an ni a. Minute 56-naah Ritwik Das chuan team goal \ha tak a khung a. 1-0 in hnehna an chang.
Owen Coyle-a pawlte hi an game hnuhnung 11 a\ang vawi 10 an chakna a ni a. Semi-final ah Kerala Blasters an hmachhawn leh ang.
“Kan team a mi zawng zawng ka lawmpui a, India a team \ha ber hi hun engemaw chen a\ang khan kan ni tawh.” a ti a.
“Team \ha tak hmachhawnin match hnih hmabak kan la nei. Coach \ha an nei a, chuvangin naktuk a\angin Kerala Blasters hmachhawn turin kan inbuatsaih ang.” tiin semi-final inkhel tur a thlirlawk.
ATKMB coach Juan Ferrando chuan, “Kan theihtawp kan chhuah a, kan hlawhtling zo lo. Mahse tunah chuan semi-final lam kan thlir ang. Hmabak kan la zo lo.” tiin Hyderabad FC nena an inkhel tur lamah an insawrbing tur thu a sawi ve bawk.