Hei le, vawiina i ngaihthlak tur

Rolling Stone magazine pawh kan chhiar phák meuh loh laia, he magazine-a lan phák nih hi a namai lo. YouTube hawng keuh la, ‘Glaz-Passing by ft. Regina’ tih kha type lut la, feel nghal rawh le. Mizo hla pangngai, tluangtlam leh kal khat tlat ni lo, rimawi khawvela dâk-chhuak thei khawpa hla mawi leh music fuhzet maiin a lo hmuak nghal dawn che a ni.

Mi ‘bon’ \hiau!
Music Producer hi Boiha Glax Fanai niin, music arrangement leh track mixing hi a ma kutchhuak vek a ni a, Pune-a music lama ei zawng a, kum 10 tal tawh a ni. Euro School-ah music teacher thawk tawhin, Pune-ah Glaz Academy hlawhtling tak a hawng mek.
Vocalist hi Bazar veng Lunglei chhulchhuak Regina a ni a, mut dawn hnaih lamah a ‘aw’ hian mumang buzawl duhawm takah min hlangkai thei khawpin a ‘sial’. Hun chawpchilh taka phuah tih hriat loh khawpin he hla hi a fuh a, Hriata Hmar, Durtlang Leitan Harmon veng hi chik zui a ngai tawh ang.
Recording & Mastering hi Ma-thana @EFX Audio Lunglei, Serkawn niin, recording studio felfai tak a tih loh theih loh. Video pawh a hla nena inchawihmawi tâwk takin a kaltluang hle a, Symbiosis School of Visual Art, Pune-a zir mek Sang-liana Guite – BA Visual Art & Photography hian a hna a tlin viau mai.
A chhin hawn phat atanga khar leh thlengin videograpby hmuhnawm tak min chhawpchhuahsak.
Heng zawng zawng tifamkim a, tikhuangrualtu ber chu music video-a model Mamuantei hi a ni awm e. Pune-a lehkhazir mek chevel en pah a, rimawi ‘feel’ kha a nuam.
Kan play nawn sek!

Leave a Reply

error: Content is protected !!

Notice: ob_end_flush(): failed to send buffer of zlib output compression (1) in /home/thezozam/public_html/wp-includes/functions.php on line 5427

Notice: ob_end_flush(): failed to send buffer of zlib output compression (1) in /home/thezozam/public_html/wp-includes/functions.php on line 5427