Aizawl FC in Hero I-League-ah an dinhmun siam\hatna hun an nei dawn a. Beisei anga season bul an \an loh hnuah point thum hmuhna hun\ha nei dawnin kaithar club Kenkre nen vawiin tlai dar 5;30-ah an nkhel ang.
Yan Law-a pawlte hian match sarih khel tawhin vawi hnih chak an neih bak chu an tlawm vek. A zawna vawi li an tlawm hnuah hnehna a zawnin an chang a, an season bul \an dan boruak chu hmasawnna nen an kalsan zel dawn nia a lanlaiin an inkhel hnuhnung berah Churchill Brothers FC in 2-1 in an hneh.
Aizawl FC coach Law chuan The Zozam Times zawhna chhangin, “League table-ah team te kan inthlauhna hi a tam lova, chuvangin point hmuh hrim hrimin thui takin dinhmun a thlak danglam thei. Kan hmaah point 15 hmuh theih a la awm a, chuvangin 2nd phase-ah top 7 zinga kan tel ngei hi kan la inring hle.” tiin an inrintawk thu a sawi a.
Tun season-a an goal chhuah dante leh inkar zing tak taka goal an chhuah leh \hin chungchang zawhna chhang bawkin, “Set piece hi kan squad-ah pumraw lian leh thahrui han ngah tak tur kan neih loh avangin kan nemna a ni tih a chiang. Chuvang tak chuan kan khingpuite lakah \ul lova foul chawi mai mai a thiang lova, kan fimkhur a ngai.” tiin a sawi bawk.
Kenkre hi tun season-ah hnehna la chang miah lo an ni chungin team \ang thei tak an ni a, team \ha Rajasthan United leh Mohammedan Sporting Club lakahte point an hmu teuh hle.