Miss Universe 2021 Haranaaz Kaur Sandhu chuan ramchhunga Hijab buaina kal mekah a ngaihdan tlang taka sawiin, India rama hmeichhiate hak leh hak loh tur lo sawi ve chiam theihna tuma’n an nei lo, a ti.
Chandigarh a tlawhnaah press conference-a hijab buaina thila a ngaihdan an zawhnaah kum 22 mi chuan, “Hmeichhia te duhthlanna liau liau a ni a, India rama hmeichhia te awmdan tur leh hak dan tur lo sawi ve chiam theihna hi tuma’n an nei lo,” tiin a chhang.
“He thila politics hamthatna lak tum emaw politics lo khelh nan a hmangtute hi an tisual lai let der a ni,” tiin a tuihnih.
A sawi zelnaah hmei-chhia te’n an nun dan leh hak dan turah tu emawin thuneihna nei tlat in hriatna an neih chuan lo pen chhuak se, huai takin a tawngchhuak ngam tur a ni a, a duh dan angin a awm tur a ni. Culture inang lo tak tak hmeichhia kan ni a, kan inzahtawn thiam a tul hle, a ti bawk.
Kumin January khan Karnataka-ah hijab dodalna nasa tak a chhuak a, Udupi district huam chhunga hmeichhia te kalna sorkar college-ah zirlai thenkahtte hijab inbel vanga class kal thei lo tura dan niin, he buaina leh thu inchuhna hian rampum a dengchhuak.