EDITORIAL 4/3/22

Zirna in leh a kaihhnawih hawn a ni dawn; enfiah a ngai

Naktuk atangin school session thar atan zirna in hawn tan a ni leh tawh dawn a, zirna in hrang hrang pawh zirna kalpui nghal thei turin an inbuatsaihna nasa tawh hle. Zirlaite pawhin kum hnih dawn dan pangngaia an kal theih loh hnuah zirna an kalpui leh tan dawn a ni a, an phurin, khawpui lama kal turte pawhin an khaw lam atangin an mutbu an rawn tel lut tan ta bawk.
Zirna in hawn a nih rualin hostel te pawh hawn a ni leh tan dawn bawk a, hetih lai hian hostel tam tak dinhmun erawh hi chu enzui deuh a ngai ngeiin a rinawm.
Mizoram State Commission for Protection of Child Rights (MSCPCR) in an endikna leh zirbingna atanga a lan danin zirlaite awmna hostel thenkhat chu a chep em avangin hursualna lam hawia pawikhawihna thleng palh thei thilah a him tawk lo hle an ti a, thil pawi zawk a thlen hma leh hmingchhiatna a awm hma a endik thuai hi a fuh ngeiin a rinawm bawk.
MSCPCR chairman sawi danin, “Hostel thenkhatah zirlaite an inekbeng nasa hle a, kum upa deuh leh naupang zawkte thliar hran mumal an ni lo a, hostel thenkhatah chuan khum insi khupa naupangte muttir an ni a, hursualna lam hawia pawikhawihna thleng palh thei thilah pawh a him lo hle,” a ti a, hei hi a rintlak tawk hle ang tih a rinawm. Chuvang chuan hmingchhiatna leh buaina zakhua a thlen hmaa hostel tam zawk endik hi a hunin, tih thuai ngai tak a ni bawk.

Leave a Reply

error: Content is protected !!

Notice: ob_end_flush(): failed to send buffer of zlib output compression (1) in /home/thezozam/public_html/wp-includes/functions.php on line 5427

Notice: ob_end_flush(): failed to send buffer of zlib output compression (1) in /home/thezozam/public_html/wp-includes/functions.php on line 5427