Chief secretary Dr. Renu Sharma-‘n nimin khan Thenzawla AH & Vety Farm tlawhin, hmalakna hrang hrangte a enpui a. Ran leh a hmunhma enkawl dan te chu felfai leh thianghlim a tih thu sawiin, tihhmasawn zel theihna tam tak erawh la awma a hriat thu a sawi.
Thenzawla AH & Vety Farm hmasawnna tur leh zau zawka hmalak chung- changah Department secretary a titipui tur thu Chief secretary chuan a sawi a. Thenzawlah AH & Vety department-in ram zau nuam leh mawi tak an nei chu lawmawm a tih thu a sawi bawk.
Chief secretary hian Kel vulhpunna hmun te, ranchaw chinna hmunte, Dil pui leh Sakawr enkawlna hmunte a tlawh a. Sorkar thuchhuahin a tarlan danin, RIDF NABARD sum Rs. nuai 600 senga bultan Thenzawla Kel vulhpunna hmuna Kel enkawl mekte chu kum 2019-a Rajasthan leh Punjab atanga lakluhte an ni a. He hmuna Kel no piangte chu Kel vulhtute hnenah vulhpun zel tura hralh thin niin, nimin thleng khan Kel pa 49 leh a nu 46 an hralh tawh a, enkawl lai Kel puitling – Sirohi Kel 15 leh Beetal Kel 89 bakah Kel no 25 an awm mek a ni.