Tuichangral YMA-in PWD nena MoU ziah tihtawp rel

Aizawl: Tuichangral South Group YMA chuan YMA leh Mizoram PWD-in Memorandum of Understanding (MoU) an ziah chu tihtawp nise tiin an rel.
Group YMA Conference neih loh kuma neih \hin Rorel Inkhawm chu Zirtawpni khan Tuichangral South Group YMA in an nei a. Thu ngaihtuah tura chhawpchhuah pasarih zingah YMA leh Mizoram PWD ten MoU an lo ziah tawh chu awmzia nei lo nia a lan avangin tihtawp nise tia relin, hemi chungchang hi Sub-Hqrs YMA Serchhip-ah thlen nise tiin thu an dah a ni.
Hei bakah hian, dan loa kuhva tawlhruk in an Group a paltlang lohna tura hmalak te, Group YMA huam chhunga Chekawn – Ar\ahkawn kawng chak zawka siam \hat a nih theih nan hmalak te, boruak chhe zel tur venna atan Forest dept. nena \angkawpin Branch YMA hrang hrangten mahni branch huam chhung \heuhah thing phun uar zel tura hmalak nise tihte an rel bawk.
Tuichangral South Group YMA rorel inkhawm hi Khawlailung Branch YMA in Govt. P/S-IV-ah an thleng a ni. Rorel inkhawm hi President J. Vanlalzawnga’n a kaihruai a, chawhnu lama inkhawm nei zuiin Group YMA Vice President V Lalvuana’n a kaihruai thung.
Tuichangral South Group YMA hi Serchhip Sub-Hqrs YMA hnuaia Group YMA pathum zinga pakhat a ni a. March 14, 1971 a ding \an niin, tunah hian Branch YMA 21 leh Joint YMA pahnih awmin, member mipa 5,135 leh hmeichhia 3,891, an vaiin 9,116 an awm mek a, tunah hian East Lungdar-ah Joint YMA din belh a ni leh dawn bawk a ni.

Leave a Reply

error: Content is protected !!

Notice: ob_end_flush(): failed to send buffer of zlib output compression (1) in /home/thezozam/public_html/wp-includes/functions.php on line 5427

Notice: ob_end_flush(): failed to send buffer of zlib output compression (1) in /home/thezozam/public_html/wp-includes/functions.php on line 5427