Beisei leh rinlawk deuh ang ngeiin 64th Grammy Awards neih zawh takah Olivia Rodrigo leh Silk Sonic & jass musician Jon Batiste te chuan chawimawina ropui insem tawnin, an dingchhuak.
Batistte hian soul record ropui, ‘We Are’ hmangin album of the year a dawng a, Rodigro chuan best news artist leh best pop album award a hum haw.
Silk Sonic hian an anthem hlui, ‘Leave The Door Open’ hmnagin record & song of the year an la hum haw cheu bawk a, an chetha fal.
Award piah lamah Foo Fighters star Taylor Hawkins sunna hun hman a ni a, Ukraine President Volodymyr Zelensky thuchah leh ngenna ngaihthlak a ni bawk.
Message buatsaihsa ah Zelensky chuan Russia bomb vanga an reh tlawk tlawkna nun chu music hmanga chhunkhahsak turin musician te a ngen a, social networks leh TV te hmanga thudik puang-chhuak turin a chah bawk. Nawi reng lova, rahbeha awm mekte tana ‘aw’ chhuah turin ngen tak tein a ngen a ni.
A thusawi zawh hian John Legend zai ngaih-thlak chhunzawm a ni a, Ukrainian musician Siu-zanna Igilidan leh Mika Newton te bakah poet Lyuba Yakimchuk te’n an tawiawm zui nghal.
Rimawi khawvela award hlut hlawh Grammy hi nizan hmasa khan MGM Grand, Las Vegas-ah neih a ni a; Lil Nas X, Billie Eilish leh BTS te’n mipui zaiin an awi.
Folk icon Joni Mitchell a lang hlawl mai bawk a, ani hian Brandi Carlilie a kochhuak a ni.