Aizawl: Information & Public Relations (IPR) Minister Lalruatkima chuan MJA General Headquarters hruaitu tharte chu nimin khan a pisaah lengah sawmin, journalist-te leh IPR department kaihhnawih thil chi hrang hrang an sawiho.
MJA Golden Jubilee lawmna leh general conference tluang taka neih a ni chu lawmawm a tih thu sawiin IPR minister chuan a department enkawl, IPR bakah rural development leh land revenue & settlement te nena ram tana hna an thawhnaah a \ul anga thurawn pe a, finchhuah zel \hin turin MJA chu a chah a, MJA hruaitu tharte chu duhsakna a hlan nghal.
IPR Minister hian journalist te tana press enclave an la bawhzui zel tih sawiin, hri leng avangin duh anga department in hma a lak chak theih loh thu a sawi a. Hei bakah hian journalist pension scheme chungchangah hma lakna a kal mek zel thu leh tihhlawhtlin hun an nghahhlelh thu te, MJA member te tana press tour te, sorkar hmalakna te ena field tour angte ngaihtuah a \ul thu te, parliament training bakah advertisement rate chungchangte a sawi lang a ni.
Lalruatkima hian, tun hnaiah social media hrang hrangah Mizo \awng hman dik loh a nasa ta em em chu a vei tih sawiin, hemi siam \ha tur hian journalist-te an pawimawh thu leh, mi dangte zirtir a \an an lak a \ul tih a sawi.
MJA Gen. Hqrs President C Lalrambuatsaiha pawhin thu sawiin, press mite leh IPR department thawhhona a \ha tih a sawi a, “Hetianga thawhhona tha hi state dangah a awm kher lo mai thei. MJA-te kawng tinrengah min duhsak \hin a, kan lawm hle a ni,” a ti a; advertisement, press tour, Journalist Welfare Fund chungchangte a sawi lang bawk.
Inkawmhonaah hian IPR Secretary Hualsangi, Additional Secretary Betsy Zothanpari, Director C Lalnunkima leh Joint Director pahnih – Lalfakzuala leh PB Lianthangpuii te pawh an tel a ni.