UFC featherweight leh bantamweight champion kawnghren kawltuten Pathianni zingah anmahni chotute an hneh ve ve a. An champion kawnghren an humhim.
Jacksonville a VyStar Veterans Memorial Arena a UFC 273-ah hian main event-ah 145 pound champion Alexander Volkanovski chuan a khingpui ‘The Korean Zombie’ tia hminglem an vuah Chan Sung Jung chu technical knockout in a hneh a. Round khatna atang kut inthlak hnem hle in round 4-naah referee Herb Dean chuan bout a titawp.
Co-main event-ah bantamweight champion lai, a title neihdan avanga sawi hlawh Aljamain Sterling chuan unification bout-ah interim champion Petr Yan chu round nga chhungin split decision in a hneh ve bawk.