Chelsea in an tana kar duhawm lo tak chu kalsanin hnehna an chang a. Southampton lakah chak satliah ni lovin goal ruk khung a hnehna changin Blues thawm a ring.
Thomas Tuchel-a pawlte hian Premier League-ah 4-1 a Brentford laka an tlawm hnuah UEFA Champions League-ah Real Madrid lakah 3-1 in an tlawm lehnghal a. St. Mary’s Stadium panin an tho chhuak thei ang em tih zawhna a awm.
Mahse minute 8-naah zawhna chhanin a awm nghal a. Marcos Alonso chuan Mason Mount siamsak goal-ah a khung a, hemi hma hian Timo Werner chuan vawi hih goal ban a tih per.
England midfielder Mount chuan an goal hnihna khungin halftime hma in Werner leh Kai Havertz ten goal an khung leh bawk.
Werner bawkin halftime hma in goal ban a tihper leh a, Mohammed Salisu own goal tur Fraser Forster chuan a dan hman hram.
Saints hi chawlhlawk zawhah buai chhunzawm lehnghalin Werner-a’n a goal hnihna a khung a. Mount-a’n an goal hnuhnung ber akhung leh a ni.
Chelsea boss Tuchel chuan inkhel zawhah, “Hetiang taka inkhelh hi kan tum ber leh kan duhdan a ni a, kan tho leh thei ang em tih zawhna boruak a lian a, a chhanna chu scoreboard-ah hchiang takin kan lantir.”
“Kan player-te enin an tih turah an chiang tih a hmuh theih a, inthlahdul miah lovin chak tura theihtawp chhuahin chak duhna nen kan bei a. Kan theihna a san bawk avangin hetiang result hi kan nei.” tiin a naute a fak.