Mizoram Premier League Under 18 season thar kickoff chu Zirtawpni zan khan Vaivakawn YMA Auditorium-ah neih a ni a, Dr Vanlaltanpuia, Chairman, Mizoram Youth Commission chuan kickoff hun a hmang.
MPL Under-18 hi April 12 a\anga 30 chhunga neih tur a ni a. MPL Club pariat – Aizawl FC, Chanmari FC, Chawnpui FC, Chhinga Veng FC, FC Bethlehem, FC Venghnuai, Electric Veng FC leh Mizoram Police FC-te an Lammualah an inel ang.
Dr Vanlaltanpuia chuan MYC chu ṭhalaite tana ding a nih angin kawng hrang hranga hmasawnna atan an thawk tih a sawj a, ṭhalaite football-a eizawnna kawhhmuh kawngah MFA nena thawhho zel an tum tur thu a sawi.
Player kal khawmte chu fuihin India aiawha khel thei tur khawpa bei turin a chah a, tunlaiah chuan zuk leh hmuam tih loh mai a tawk tawh lo a, ei leh in pawh fimkhur a \ul thu a chah.
MFA aiawha thusawitu MFA Honorary Lalnghinglova Hmar chuan football-a eizawnna kawngah khelmual pawn thlenga eizawnna tur a awm thu te, chumi kawnga Mizote kan ṭan a \ul thu te, MYC-in chumi kawngah puih a inhuam reng thute sawiin khelmuala chhunga ei zawng zui thei lo tán pawh coach education, referee education leh football management lamte ngaihven turin player-te a chah.
Team captain-ten oath taking neiin ISL player Jerry Mawihmingthanga’n a kaihruai a, ani hi MPL U18 season hmasa bera best player a ni.