Aizawl: Larsap Hari Babu Kambhampati leh Chief Minister Zoramthanga te chu nimin khan Raj Bhavan-ah an inkawm a, kawlphetha tam zawk siam dan tur chungchang an sawi dun.
Inkawmnaah hian power sector-ah hmalakna liantham deuh kalpuia tui luang leh nizung chaknaa kawlpetha tam zawk leh state khamkhawp tur siam chungchang te, project senso hmuh theih dan leh a kaihhnawih dangte an sawi.
An inkawmnaa tel ve, Power Minister R Lalzirliana chuan kawlphetha tam zawk siam chhuah kawngah hian department engineer-ten chiang zawka zirchianna an nei theih tur thu sawiin Mizoram chhunga lui luang chakna leh nizung chakna hmanga kawlpetha siam chhuah theih zat chhut chhuah sate bakah heng project siamna atana thil \ul te a sawi.
Larsap leh chief minister hian kawlphetha chungchang bakah tourism sector tihhmasawnna a \ul chungchang te, thlawhna hmanga inkalpawhna tihhmasawn chungchang te, higher education bika science zirna tihphuisui dan tur te, Mizo pi leh pute a\anga ramhmul damdawi hman \hante Ayush huanga seng luh dan tur te an sawi dun a, central sorkar scheme tam tak, mipuiin tam zawk an hriat chiana ham\hatna an dawn theihna tur hmalak ngai laite pawh an sawi.
An inkawmnaah hian larsap chuan tun hnaiah Mizoram sorkar hmalakna umzui ngai nia a hriatte bawhzuiin Delhi-ah central sorkara minister pawimawhte a dawr thu leh central sorkar pawhin Mizoram sorkar hmalaknate chu an ngai pawimawh hle nia a hriat thu a sawi.
Chief minister chuan larsapin aremhriatna leh tha a tih anga \hahnemngai taka central sorkar hotute abia chu lawmawm a tih thu asawi bawk a ni.