Lengteng bial MLA scheme thar – kum 2025 December ral hmaa Lengteng biala in tinin rangva in- chung an neih vekna tur ‘Hlunsanga Malsawmna scheme’ kalpui a nih tur thu nimin khan bialtu MLA L Thangmawia’n a puang.
NABARD sum Rs. nuai 7.5 leh MLA fund Rs. nuai 7.5 senga sak Pawlrang khuaa Govt. Primary School a hawnnaah nimin khan he thu hi bialtu MLA chuan a puang a. He scheme hi 2023 January ața- nga kalpui țan tur a nih thu leh 2023 chhungin a tlem berah inchung 200 thlak a nih tur thu a sawi.
Lengteng bialtu MLA chuan Lengteng bial mi, Mizoram independent puan laia hming ziaktu (signatories) te zing ami Hlunsanga, Kawkulh, hm- ing chawia MLA sch- eme thar ‘Hlunsanga Malsawmna scheme’ chuan Lengteng biala rangva in chung la nei lo zawng zawngte bak ah rangva in chung nei tawh, a thir a chhiat avanga a țhenlai emaw, a vai ema- wa thlak ngai te pawh a huam dawn tih a sawi a. He scheme hlawhtlinna atan hian MLA fund bakah Mizoram sorkar department bakah Corporate social responsibilities (CSR) ațangte pawhin sum beisei a nih thu leh Ngopa BDO leh Khawzawl BDO te kaihhruaina hnuaiah a țul anga committee din a nih tur thu a sawi bawk.
Human resources development board vice chairman L Thangmawia chuan Govt. P/S Pawlrang building hawn thar chu Rs. nuai 15 a sakah chuan Mizoramah a țha ber a nih a rin thu a sawi a. Hlawkna um lova satu Pawlrang VCP Biakthansanga pawh lawmthu hrilhin, zirtirtu leh zirlaite hnenah sikul thar lawmpui nan Computer leh printer set 1 a pe bawk a ni.