Aizawl : PC party thalaiin “Assam leh Mizoram ramria link road laih mekah Rs. nuai 1,700 tihchingpen a ni” an ti a, hriatthiam harsa an tih thu sawiin, “A rang thei ang bera a mawhphurtute chhui chhuak turin Mizoram sorkar kan phut” an ti.
He kawng sial mek hi Assam nena ramri chungchanga harsatna lian zawk a thlen pawha Mizoram police ten remchang taka chet an lak theihna tura mipuiin an beisei a nih avangin tute emaw sum siamna hmanrua mai a nih avanga hmantlak lova a thamral mai an remti lo tih PC thalai an sawi a. Assam leh Mizoram ramri link road Vair- engte leh a chhehvela laihna atana thuneitu lamin Rs. nuai 1,900 hman ral tawh anga an tarlan laia Rs. nuai 200 vel chauh senral a la ni si chuan Rs. nuai 1,700 chu tihchingpen ngei a ni tih a tichiang hle niin an sawi.
PC party thalai chuan he kawngpui sial mekin fur leh thal dawl zo tura siam puitlin thuai a nih theihna tura sum mamawh zing ami Rs. nuai 1,700 chu a pilbo hlen loh na turin a mawhphurhtu zawng zawng a te ber atanga a lian ber thlenga man chhuak nghal turin thuneitute an phut thu an sawi bawk.