Andhra Pradesh-ah Chief Minister Jagan Mohan Reddy-a cabinet member tharte chu Thawh\anni khan lak luh an ni a, hetih lai hian an party-a hruaitu langsar tak tak an tel lo va, anmahni \antute lungawi lohna chu hmun hrang hrangah lantir a ni.
M.Sucharita-i chu hmeichhia, Dalit mi ni bawk zinga home minister hmasa ber chu a nihna ngai a chelh leh loh avangin Thawh\anni khan a bâng a. A bânna hi Rajya Sabha member Mopidevi Venkatramana hnenah a hlan a, ani hian a hlanchhawng ang a. YSR Congress-ah erawh a awm zel ang tih a sawi.
Minister tharte zingah hian hmeichhia pali an tel a. Lemchang \hin, Roja-i pawh a tel.
Minister hlui dang pahnih thlawptute pawhin an lungawi lohna an lantir bawk.
Chief minister lamhnai, Balineni Srinivasa Reddy-a pawh minister a nih tawh dawn loh avanga lungawi lovin Pathianni khan YSR Congress hruaitute hnenah MLA a\anga a bân dawn thu lehkhain a hrilh a. Chief minister nen an inkawm zui ang.
Amah thlawptute chuan Ongole leh Prakasam district hmun \henkhatah kawng dangin cabinet-a a tel leh an phut a. Tual chhung rorel khawl \henkhat, Ongole Municipal Corporation member-te pawhin a tel loh chuan an bân tur thu an sawi.
Nandamuri Taraka Rama Rao district-ah pawh Jaggaiahpet MLA Samineni Udayabhanu thlawptute chuan two-wheeler leh lirthei ke halin kawngpui lun tak, National Highway-65 an dang a, cabinet-a Udayabhanu a tel lo chu an lungawi lo.
June, 2019-a Reddy-a’n sorkar a siam tirh khan cabinet atana mi 25 a thlan hnuah kum nga term-ah a zahve an thlenin an insiksawi tur thu a lo sawi tawh a. Hei hi MLA 151 a neih zinga hmun thuma \hena hmun khat talin minister chanvo an chelha an lawm tlan nana a ruahman a ni.
Insiksawi a awma lungawi lo an awm hi YSR Congress hotupa pawh a tibuai hle a. Reddy-a hian kum 2024-a assembly leh parliament inthlan thlira siksawi a ni tel a, an state-a cheng 67% zet chu Scheduled Caste leh Tribe leh hnam tlem zawk an nih avangin heng mite zinga mi minister neih hi a duh a ni.
Reddy-a cabinet tharah hian a hma chiaha minister ni lai mi 11-te chu lak luh nawn leh an ni a. Mi 25 zinga 17 chu Scheduled Caste leh Tribe, Backward Class leh hnam tlem zawka mite an ni a. A lo sawi lawk tawh ang ngeiin YSR Congress chief hian inthlan hmabak thlirin a hawl kim hle a ni.