Lungleiah inkhuahkhirh

Mizoramah Lunglei district chu Covid-19 kai tam zualna a nih avangin Lungleiah hri laka himna turin inkhuahkhirhna khauh zawka kalpui leh a ni dawn.
Lungleia thuthar thehdarhtu \henkhat zawhna chhangin Lunglei Addl DC K Lalrohlua chuan India ram state zingah Mizoram chu Covid kai tamna zingah a la tel a, Mizoramah Lunglei district chu kai tamna a nih bawk avangin Mizoram sorkar Home Department thu angin Lungleiah inkhuahkhirhna khauh zawk kalpui leh a ni dawn tih a sawi.
Hemi chungchangah hian nimin khan Mizoram district hrang hranga DC-te leh Mizoram Home Deparment Secretary leh official dangte chuan video conferencing meeting an nei tih K.Lalrohlua chuan sawiin, meeting-ah hian India ram state zingah Mizoram chu hri kai tam zualna state a la nih avangin sorkar laipuiin inkhuahkhirhna khauh zawk kalpui turin Mizoram chu a hriattir thu tar lan a ni a, hetiang a nih avang hian Covid kai an tlakhniam theih nan inkhuahkhirhna Mizoramah khauh zawka kalpui leh nise tiin an rel a ni.
K Lalrohlua chuan home department duh dan angin zirna in bakah biak in leh bazar leh khawlaiah te surprise checking neih \hin a ni dawn tih a sawi a, inkaihruaina zawm lo an hmuhte chu hriatthiamna awm lovin pawisa chawitir an ni dawn tih a sawi.

Leave a Reply

error: Content is protected !!

Notice: ob_end_flush(): failed to send buffer of zlib output compression (1) in /home/thezozam/public_html/wp-includes/functions.php on line 5427

Notice: ob_end_flush(): failed to send buffer of zlib output compression (1) in /home/thezozam/public_html/wp-includes/functions.php on line 5427