Aizawl: Mara Autonomous District Council (MADC) inthlanna May 15, 2022-a neih tura MNF party manifesto chu nimin khan MNF vice president Vanlalzawma’n a tlangzarh a, inthlan neih turah beiseina sang tak a neih thu a sawi.
Manifesto tlangzarh leh mi thar lawm luh inkhawmah hian Vanlalzawma chuan MADC inthlan turah inlawm luh a\angin bul an \an a, an party-in beiseina sang tak an nei tih a sawi a, Mara ram hmasawnna atana hnathawk turin Chief Minister Zoramthanga a \ha ber tih a sawi.
He huna thusawitu dang MNF adviser, Education Minister Lalchhandama Ralte chuan hmasawnna hna tak tak thawk tur chuan state-a sorkar lai chu council-ah pawh an sorkar a ngai tih a sawi a, MADC-a sorkar lai, BJP chungchang sawi tel bawkin, “BJP min kaihhruai dan kan hmu a, anmahni intuituahin hun an hmang a, mipuiin kan chhangkham a ni,” a ti.
Lalchhandama Ralte chuan SEDP an kalpui turah trade thlan theih turte leh a kalkawng tur an siam fel thawkhat tawh thu a sawi a, Village level committee siam fel a nih hunah reilo teah an \an dawn tih leh Mizoram kil ber thlenga mipuite an dinchhuah theihna turin hma an la tak tak dawn tih a sawi.
MNF Adviser Lalruatkima, rural development minister pawhin thu sawiin Mara ramin malsawmna a dawna hma a sawn theihna turin mipuiten ngaihtuahna hman a ngai hlea a hriat thu a sawi a, “Tute hi nge sorkar \ha leh nghet min pe theitu tih kan hriat a \ul. Pu Zoramthanga kaihhruai MNF vote mai hi tun dinhmunah Mara ram damdawi \ha ber a ni,” a ti.
Eptu party leh Congress leh ZPM chungchang Ruatkima chuan sawiin, “Kum sawm chhung ‘\hat loh theih lohna um’ min chhawptuten ‘that loh theih lohna bawm’ an han sawi a, kum 10 chhunga \ha thei hauh lote kha a bawmah chuan an han awm a nia, a ngaihna a awm lo,” a ti a, ZPM chu leadership-ah an buai hle niin a sawi a, “Tunah pawh, ‘Lalduhoma an zahpui \an a, Sap ngainatna a sang \an e,’ an ti,” a ti bawk.